川滿居 (京都廣場)

Open Now

Now Closed

踏入冬天, 天氣逐漸轉冷, 講到暖胃食物自然想到吃川菜今日嚟到銅鑼灣京都廣場川滿居, 古色古香嘅裝璜, 充滿傳統氣息, 正好品嚐川菜嘅麻辣風味。川香鮑魚雞煲原煲上特別夠暖胃, 鮑魚腍滑有嚼勁, 雞件嫩滑夠入味, 配菜紅椒青椒好爽脆, 加上川香醬汁, 鹹香麻辣好惹味。鮮椒魚魚片鮮嫩甜滑, 大量藤椒麻味十足, 加上紅紅綠綠椒絲和芝麻, 賣相吸引又惹味, 寬粉煙韌彈牙。蒿筍炒牛肉萵筍青綠爽脆, 牛肉嫩滑。乾煽四季豆四季豆配上鹹香肉粒, 香口爽甜。翠玉瓜炒腩片翠玉瓜甜鮮正好中和腩片嘅肥膩, 炒得幾有鑊氣。