Video
Read full review
2024-08-16
1154 views
平日晚同朋友黎到哩間餐廳食飯，7點幾去到，坐無虛席，期待值即刻又上升，係北上成風嘅情況下，有哩個入坐率，好難得! 我地2個人叫左3個前菜、2個主菜、2杯cocktails。只可以話全部野都係水準之上! 好值得一試!!首先，第一個前菜係Ham, burrata with seasonal fruits。餐廳唔只用密瓜，仲用埋青提，水果都清甜，明顯係有揀過。Burrata cheese帶有奶香，軟滑。水果、Ham、cheese三者一啖食埋，出奇地夾，好好味!! 必點! 另外，餐廳用左開心果碎做deco，賣相加哂分!! 簡直係色香味俱全呀。第二個前菜係Uni lobster bisque aranchini。新鮮嘅海膽放係一個炸咗龍蝦湯意大利飯上面，海膽份量好足，一啖咬落去，Creamy嘅海膽配上脆口龍蝦濃湯味，加上少少sour cream，味道好特別，係好味嘅! 想試下新野嘅朋友，可以一試，唔會失望!第三個前菜係 Tuna Tartare。牛油果打到好滑，食落完全無渣，吞拿魚用咗辣醬去調味，再加埋脆片一齊食，掂呀! 如果要挑剔，就係辣醬對我黎講一啲太辣，唔食辣嘅朋友食要注意啦!之後就上ma
我地2個人叫左3個前菜、2個主菜、2杯cocktails。只可以話全部野都係水準之上! 好值得一試!!
首先，第一個前菜係Ham, burrata with seasonal fruits。餐廳唔只用密瓜，仲用埋青提，水果都清甜，明顯係有揀過。Burrata cheese帶有奶香，軟滑。水果、Ham、cheese三者一啖食埋，出奇地夾，好好味!! 必點! 另外，餐廳用左開心果碎做deco，賣相加哂分!! 簡直係色香味俱全呀。
第二個前菜係Uni lobster bisque aranchini。新鮮嘅海膽放係一個炸咗龍蝦湯意大利飯上面，海膽份量好足，一啖咬落去，Creamy嘅海膽配上脆口龍蝦濃湯味，加上少少sour cream，味道好特別，係好味嘅! 想試下新野嘅朋友，可以一試，唔會失望!
第三個前菜係 Tuna Tartare。牛油果打到好滑，食落完全無渣，吞拿魚用咗辣醬去調味，再加埋脆片一齊食，掂呀! 如果要挑剔，就係辣醬對我黎講一啲太辣，唔食辣嘅朋友食要注意啦!
之後就上main，我地叫咗Crispy short rib. 個肉揀得好好，帶有少少肥膏，真係少少咖炸，但就食落好有油香，軟腍。另外，薯蓉處理得好好，真係畫龍點睛呀，超滑，濃郁嘅奶香，會忍唔住一啖接一啖咁食!!
另一個main係Drunken crab pasta. 麵質彈牙，蟹肉拆好哂，鮮甜，加上蒜香，整體黎講都唔錯，不過對我黎講略嫌咸咗少少，朋友就覺得岩岩好!
我地叫左2杯cocktail. 哩度D cocktail同出面好唔同，睇得出係餐廳自行研發，杯杯都無見過咁濟，我同朋友真係睇到眼花撩亂，揀左好耐! 我地揀左salt babe 同埋Genmaicha 。2杯都幾好飲，好易入口，酒味相對上無咁濃烈，清甜，好啱女仔食飯飲。Genmaicha係用茶底，如果想清新啲可以揀佢呀。
總括黎講，哩間餐廳好值得一試，裝修靚、氣氛好、野食全部都係水準之作，加上店員好有禮貌又會細心介紹食物，整體用餐體驗都非常之好，絕對會再食同介紹朋友。
Post
