泰發泰國餐廳

Open Now

Now Closed

同班朋友去完啟德睇演唱會，諗住去啟德嗰邊或者土瓜灣食嘢。但係有朋友建議話去九龍城食，咁我就即刻諗起想試呢一間泰國菜。一行四人，都等咗一段時間，因為比較多人排隊係兩人。啲朋友實在太肚餓，去咗隔離買串燒，我就繼續喺度等。還好都係等咗唔夠半個鐘。班朋友其實每人已經食咗幾串串燒，嚟到竟然又叫串燒拼盤同埋雞全翼，一律清晒。事實上個拼盤真係性價比幾高，又啱啱好嘅人見，重點係真係好抵食，全翼都醃得好入味。另外點咗青咖喱牛肉，青咖喱係我至愛，點埋蒜蓉包簡直係完美嘅配合。椰菜苗就大棵咗少少，不過都好食唔會有渣。個冬陰功湯酸辣適中，但係個蝦肉就淋咗少少。食埋個芒果糯米飯簡直圓滿嘅休止符，點解休止符？因為最可惜係未試到佢哋d生蝦，期待下次有貨啦。