勁餃笑

Open Now

Now Closed

一坐低見到好多貓貓裝飾，勁cute。🐈🐈‍⬛煎餃愛好者去到梗係試下啲煎餃啦，叫咗兩款煎餃，分別係黑松露豬肉煎餃同埋芝士雞肉煎餃。佢啲煎餃係即叫即整，唔會擺耐咗有浸油浮咗出嚟🥟🫡煎餃就算六隻都可以雙拼，如果細食嘅話都可以試到唔同嘅味。黑松露豬肉餃一咬落去就食到一陣黑松露味，表皮煎得好香脆，而啲餡都多，所有嘢都平衡得啱啱好。芝士辣雞餃表皮同樣都煎得好香濃脆口，辣味會減少芝士膩嘅感覺，好豐富嘅口感。食得辣嘅話都可以試！自家製辣菜圃佢個自家製辣菜圃自己調製個味都幾特別，鹹鹹地辣辣地，係爽口嗰隻口感。花膠雞絲湯麵花膠雞絲湯麵轉咗扁麵，同埋兩塊花膠，加埋double雞絲，飲晒啲湯XD(事後冇頸渴!)大滿足！！噌係大根煮得好入味，月見雞肉串食到雞肉同埋軟骨個比例👍月見汁好好味😂喺度想像拎佢嚟撈麵應該勁正。羅漢果白茶 羅漢果白茶茶味都幾濃郁，有甘味唔會苦，伴隨淡淡嘅羅漢果味，適合鍾意羅漢果味嘅人煎紅豆麻糬餃 呢個係餐牌屬於甜品，其實都係試伏但有驚喜喎，餃子皮裏面大部份都係麻糬，再加底有一層紅豆蓉，再用餃子皮包住煎到好香脆。估唔到一啲都唔伏樓面好有禮貌，加分！