Video
Read full review
2021-11-10
1206 views
完全冇諗過星期一都可以坐無虛席, 食到我地差唔多走都仲有人啱啱先坐底😅 呢度成個裝修都係走泰式街頭風, 枱枱凳凳都係大排檔會見到, 而且都坐得幾逼, 真係有大排檔既氛圍🙃 食物同飲品既選擇都幾地道, 質素都比想像中好添🥰酸辣龍鳳爪沙律🥗($78)食泰國菜必點, 有別於平日食到既酸味比較重, 今次呢個係勁辣, 鳳爪勁彈牙爽口, 沙律勁多, 係一個超refreshing 既前菜, 但係如果唔太食得辣既朋友就唔好挑戰喇🧐串燒沙嗲🍢($88)豬同雞每樣三串, 燒到香噴噴同埋夠熱辣辣, 點埋個沙嗲醬絕對係無懈可擊😎 我覺得叫呢個串燒會好過叫串燒拼盤, 因為見到隔離枱叫左除左肉之外仲會有燒腸仔, 但係腸仔好似普通左啲, 所以想啖啖肉又平啲既話我建議叫呢個🙂香茅燒雞半隻🐓($88)半隻既份量都算多, 雞整到好有色澤感, 而且肉質好滑, 就算係雞胸既部分都唔會”鞋”，再點埋個特製辣醬同隻雞超夾😎 不過香茅味就欠奉, 但係都係一隻好食既燒雞👍🏽醉貓炒河🍲($88)見到個名以為有酒去煮, 但其實一啲關係都冇😂 個名有兩個唔同既說法, 有人話係起源自有個廚師飲醉酒求其炒出嚟, 亦有人話專門係煮畀醉咗嘅人食😉
完全冇諗過星期一都可以坐無虛席, 食到我地差唔多走都仲有人啱啱先坐底😅 呢度成個裝修都係走泰式街頭風, 枱枱凳凳都係大排檔會見到, 而且都坐得幾逼, 真係有大排檔既氛圍🙃 食物同飲品既選擇都幾地道, 質素都比想像中好添🥰
酸辣龍鳳爪沙律🥗($78)
食泰國菜必點, 有別於平日食到既酸味比較重, 今次呢個係勁辣, 鳳爪勁彈牙爽口, 沙律勁多, 係一個超refreshing 既前菜, 但係如果唔太食得辣既朋友就唔好挑戰喇🧐
串燒沙嗲🍢($88)
豬同雞每樣三串, 燒到香噴噴同埋夠熱辣辣, 點埋個沙嗲醬絕對係無懈可擊😎 我覺得叫呢個串燒會好過叫串燒拼盤, 因為見到隔離枱叫左除左肉之外仲會有燒腸仔, 但係腸仔好似普通左啲, 所以想啖啖肉又平啲既話我建議叫呢個🙂
香茅燒雞半隻🐓($88)
半隻既份量都算多, 雞整到好有色澤感, 而且肉質好滑, 就算係雞胸既部分都唔會”鞋”，再點埋個特製辣醬同隻雞超夾😎 不過香茅味就欠奉, 但係都係一隻好食既燒雞👍🏽
醉貓炒河🍲($88)
見到個名以為有酒去煮, 但其實一啲關係都冇😂 個名有兩個唔同既說法, 有人話係起源自有個廚師飲醉酒求其炒出嚟, 亦有人話專門係煮畀醉咗嘅人食😉 用既河粉非常闊, 配料好隨意, 今次有青椒, 蔥, 車尼茄, 肉醉, 配料非常豐富, 而且麵質腍得黎又會有返些少口感, 絕對要食😍
炒金邊粉🍳($88)
味道相對地淡同埋成個pad thai既顏色都好淺, 比起其他菜式黎講呢個真係有啲失色
泰式凍奶茶🧋 ($38) 茶味濃得黎又夠滑又唔會太甜, 仲要凍凍地, 食完咁多辣野飲返杯凍奶茶絕對係解辣既首選🤩
呢間泰國菜既地點唔算起眼, 但係如果經過行過都會忍唔住望兩眼好奇係咩餐廳🍴 食物質素加埋個價錢我覺得幾值得一試👍🏽 另外餐廳逢閂蒲四至六仲會有免費泰式雪條食添呀, 想食既話可以揀呢三日去嫁🤓
Post
