THE COFFEE ACADEMÏCS (莊士敦道)

Open Now

Now Closed

一個牛角包一杯cappuccino，個包質地似餐包多過牛角包，我唔識整，食慣Pret A Manger 嘅就知個分別，呢度賣$30，pret 係一半價錢，係多個好靚仔嘅玫瑰果JAM，如果用喺英式鬆餅就一流，但食牛角包查就係多舊魚，都話佢似餐包啦。至於杯嘢，個拉花好靚，唔夠熱，唔夠濃，如果有人話佢好飲過星巴克，佢一定唔係飲整我飲嗰杯，價錢又係相差好遠。 埋單加一，$83，虛幻嘅感受就喺呢一刻湧現，我身處在哪個時空? 而家係咪2016年? 我係咪喺香港，定係喺台灣旅行緊?  係，想扮下嘢，話畀自己聽今日過得好有品味，都唔一定要來呢度呀，大可以行過對面街嘅Coco Espresso，已經包有型啦，杯嘢仲係會畀到你「好飲過星記」嗰種優越感，仲又係平一截，兼冇加一。