鰻一炭燒鰻魚飯

Open Now

Now Closed

多謝OpenRice各位食家介紹咗我去呢間咁好食嘅鰻魚飯店。門口都幾多人排隊大概要等15分鐘。店舖係用電子落單，我叫咗蒲燒鰻魚飯，鰻魚海鮮炒飯，燒白鱔，燒五花腩，燒牛舌，燒雞皮。估唔到電子落單都會出錯，可能因為生意太好，要搭枱，廚師又太忙。最後上晒啲串燒，嗰兩個飯都仲未嚟。串燒白鱔係好正，好鮮味，好脆。其他串燒一般，略嫌太乾身。終於等到個飯，首先係鰻魚海鮮炒飯，鰻魚固然好食，個炒飯都好有驚喜，海鮮非常足料。鰻魚汁嘅炒飯其實係一個絕配。最期待嘅蒲燒鰻魚飯，最後先送到，可能因為先食咗炒飯嘅關係，未來已經麻木咗。不過都水準非常高，鰻魚都非常之多。下次有機會再食過，海鮮炒飯要encore，串燒河麵，再試吓個炭火白燒鰻魚飯。