SLOW COW

Open Now

Now Closed

K11 Art Mall 內有間小店，由HOW to live well團隊打造，店內桌椅採用日本品牌美式復古家具，裝潢以木系為主，格子地板，懷舊插圖，十分寫意。食物主打慢煮熟成牛肉，更有漢堡包同小食，價錢親民，地點方便，可以一試。Slow Cow 招牌可以自選肉類+主食+醬汁+自家製忌廉。牛肉來自美國，熟成21日，慢煮一小時，肉香，牛味出，入口滑溜，越食越上癮。北海道四元豚肉質粉嫩柔軟，配合自家製鮮忌廉同生蛋黃，中和整體味道。主食有白/炒飯、意粉同菜底。蕃茄醬洋蔥意粉以三小時煮成，味道酸甜，意粉軟硬度適中而且夠掛汁。雜菜雜合多種新鮮又鮮甜嘅菜品，醬汁夠惹味，食落好開胃。醬汁要咗紅酒照燒同芥末籽肉汁，前者甘甜，後者鹹香，各有千秋。呢度仲有Burger，三款口味，店員推介和風豚肉片煎蛋芝士漢堡，豚肉片用洋蔥炒香，味道香濃，鹹鹹甜甜，份量比想像中多。夾住番茄，生菜、芝士同煎蛋等配料，令到整體口感更豐富。