Video
Read full review
2024-06-22
145 views
今日係尖沙咀食咗一間新餐廳，位置係K-11入邊。專門食牛丼。佢哋主打熟成加慢煮，令牛肉味道提昇到極致。丼飯有4項選擇，第一選肉，有慢煮熟成牛肉，或者加錢做頂級美國三角脊扒牛肉，又或者日本和牛， 唔食牛又可以選擇慢煮北海道四元豚或者日式炸雞。第二就係揀主食，有白飯、蒜片醬油炒飯、蛋白炒飯、意粉又或者沙律底。第三就係揀配料，可以加隻煎蛋、溫泉蛋、水耕菜、仲有夢王嘅雞蛋蛋黃。最後就係揀醬汁，都有成七款嘅選擇。我揀嘅就係慢煮熟成牛肉、白飯、紅酒照燒汁、同埋夢王雞蛋黃，上面其實仲有一啲鮮忌廉喺度。牛肉經過慢煮同埋熟成，質地一定係滑嫩，加上佢用火槍輕輕彈過，加多一倍嘅焦香感。夢王蛋黃加埋忌廉同埋照燒汁撈飯食，甜甜地好開胃。正常份量有90g 肉，我知一定唔夠，所以就升級做120g，果然一定要多肉先至係好食。
今日係尖沙咀食咗一間新餐廳，位置係K-11入邊。專門食牛丼。佢哋主打熟成加慢煮，令牛肉味道提昇到極致。
丼飯有4項選擇，第一選肉，有慢煮熟成牛肉，或者加錢做頂級美國三角脊扒牛肉，又或者日本和牛， 唔食牛又可以選擇慢煮北海道四元豚或者日式炸雞。
第二就係揀主食，有白飯、蒜片醬油炒飯、蛋白炒飯、意粉又或者沙律底。第三就係揀配料，可以加隻煎蛋、溫泉蛋、水耕菜、仲有夢王嘅雞蛋蛋黃。最後就係揀醬汁，都有成七款嘅選擇。
我揀嘅就係慢煮熟成牛肉、白飯、紅酒照燒汁、同埋夢王雞蛋黃，上面其實仲有一啲鮮忌廉喺度。牛肉經過慢煮同埋熟成，質地一定係滑嫩，加上佢用火槍輕輕彈過，加多一倍嘅焦香感。夢王蛋黃加埋忌廉同埋照燒汁撈飯食，甜甜地好開胃。正常份量有90g 肉，我知一定唔夠，所以就升級做120g，果然一定要多肉先至係好食。
Post
