Video
Read full review
2018-02-25
1354 views
好耐之前就一直想去山頂上面食嘢，今次慶祝男朋友生日就終於有機會啦。我三個星期之前就已經係佢哋嘅網站訂咗位，但由於佢淨係開放一部份嘅位置俾人預訂，如果想訂位嘅就要預早book啦。由於慶祝生日嘅關係所以我expect係坐窗口位嘅，可以一路食嘢一路欣賞夜景，雖然最後都坐到窗口位，但個位係對住山景，所以其實望出去係完全睇唔到夜景嘅都有少少失望。由餐廳名我哋可以睇得出，黎親呢一個餐廳係一定要叫蝦嘅。首先我哋叫咗個意粉先，好驚喜佢用嘅係扁麵條，蝦仁都好彈牙，檸檬汁嘅調味令到你唔會覺得食落好濟，不過個蒜蓉包就麻麻哋，因為比較硬身。黎到呢度點少得一定要叫嘅炸物拼盤，有齊炸蝦炸薯條同炸魚柳，仲配埋三種唔同醬汁俾你點，野食炸得好鬆脆，超級推介。最後值得一讚嘅就係佢嘅服務真係好貼心，我係網上預訂就填左birthday celebration, 咁如果你叫甜品嘅話就可以安排寫啲字落去，但最後食完太飽，無叫到甜品。點知埋單既時候一班職員就為我男朋友送上小甜品，仲幫佢唱歌慶祝，真係連我都比佢地surprise到！所以如果想訂黎幫人慶祝生日，真係好推介阿甘蝦比你地
我三個星期之前就已經係佢哋嘅網站訂咗位，但由於佢淨係開放一部份嘅位置俾人預訂，如果想訂位嘅就要預早book啦。
由於慶祝生日嘅關係所以我expect係坐窗口位嘅，可以一路食嘢一路欣賞夜景，雖然最後都坐到窗口位，但個位係對住山景，所以其實望出去係完全睇唔到夜景嘅都有少少失望。
由餐廳名我哋可以睇得出，黎親呢一個餐廳係一定要叫蝦嘅。
首先我哋叫咗個意粉先，好驚喜佢用嘅係扁麵條，蝦仁都好彈牙，檸檬汁嘅調味令到你唔會覺得食落好濟，不過個蒜蓉包就麻麻哋，因為比較硬身。
黎到呢度點少得一定要叫嘅炸物拼盤，有齊炸蝦炸薯條同炸魚柳，仲配埋三種唔同醬汁俾你點，野食炸得好鬆脆，超級推介。
最後值得一讚嘅就係佢嘅服務真係好貼心，我係網上預訂就填左birthday celebration, 咁如果你叫甜品嘅話就可以安排寫啲字落去，但最後食完太飽，無叫到甜品。點知埋單既時候一班職員就為我男朋友送上小甜品，仲幫佢唱歌慶祝，真係連我都比佢地surprise到！所以如果想訂黎幫人慶祝生日，真係好推介阿甘蝦比你地
Post
