一鍋堂 (瓊華中心)

Open Now

Now Closed

最近天氣好唔定，經常落雨，所以今次選咗旺角嘅一鍋堂慶祝媽媽生日，雖然唔係高級餐廳，但呢度嘅海鮮自助火鍋，種類多, 味道唔错，最重要嘅係價錢平，食得抵！我哋叫咗咸菜胡椒豬肚湯🍲，湯底好濃好香，豬肚處理得都好乾淨，唔會有臭味，個湯飲落去好香咸菜嘅咸味同埋胡椒嘅辣味，用佢來滾海鮮同肉好夾！我哋揀咗呢個 Set C嘅海鮮配料 ，D料全部都幾新鮮，所以用嚟滾湯食真系一流😋。安格斯牛肉 🥩，肉質滑嫩，油脂適中，每一塊都豐滿有牛肉味，食落去個肉吸滿湯汁，味道十足。同埋魔鬼辣安格斯牛肉🌶️嘅味道超濃，辣得啱啱好，吃後仲有番嗰種追求火辣嘅感覺，會一直想食。日本產黑毛和牛 🐄，真不愧系黑毛和牛，食入口入口即化，好似系嘴裡邊融化咗。極上安格斯牛小排，肉質唔错，牛肉香味濃得嚟又唔會覺得油，每一口都食到唔同嘅口感。花雕浸安格斯牛肉，嗰肉汁充分吸收花雕味，每一口都飽滿，食到甘香得嚟口感又嫩滑，同湯底一齊煮更加好食，正啊！最後，一鍋堂自助餐包晒飲品、雪糕，可以想食幾多就食幾多。呢度可以體驗到放題嘅快感，無論係湯，肉定係甜品都令我哋非常滿足🍨，唔單止價錢實在，環境又舒服，真系值得嚟呢度試一試🎉！