鵝頸橋四季火鍋

Open Now

Now Closed

最近，鵝頸橋附着開咗以港式大排檔做主題嘅火鍋店，作為黃金地段地鋪， 算係幾寬敞。 貫徹懷舊風， 裝修用上花牌招牌同紅色吊燈，舊式餐車、餐具同貌似報刊嘅餐牌， 配合埋8-90年代歌曲，好似穿越去昔日。 作為選擇困難嘅人，選擇套餐就夠方便加上以抵食啲嘅價錢試盡各款主打。呢度可以唔使加錢，就試到鴛鴦湯底， 揀咗香濃沙爹湯底同荽茜皮蛋湯底。 🥩全碟都係牛肉，仲可以一次過試三款。手切牛小排油花分布均勻，肉質鮮美。望落以為手切牛胸油會幾肥，但係入口帶微微泛著牛油的香味，其實係帶點韌勁嘅軟組織，唔係脂肪嚟。本地手切牛肉同樣牛味濃郁。豬肉片都幾鮮嫩。 🦐海鮮種類唔少，鮑魚、海蝦滲透著鮮味，脆肉鮭魚骨、大沙白、同花枝片份量充足。 🍢除咗主打嘅牛肉同海鮮，推介振興濃汁貢丸， 喺大埔名物，味道彈口，充滿肉汁香味。 潮汕牛丸一樣有咬口。 黑柏葉、 鮮豬什、自製雲吞、雜菜同即炸響鈴正常水平，有2個稻庭烏冬，吸收哂沙爹湯，特別惹味，不過2個人食完一個都好飽肚。竹蔗茅根水，亦可以揀酸梅湯。🍹竹蔗茅根水係自家製，用足紅蘿蔔、竹蓆等食材，清爽解渴。