Video
Read full review
2017-11-13
2373 views
又去灣仔搵好友食飯，佢介紹呢間中餅店新開嘅餐廳試下！在灣仔舊嘅唐樓一樓，地下係餅店，唐樓重新翻新，樓梯雖然窄，不過光猛！一樓門口都窄，入內好驚喜，白牆深啡木門窗，老舊花紋瓷磚，白桌配藤椅，我哋出露台位置自成一角，地方唔迫，加上樓底極高，唔嘈雜！地方靚，食物種類好雜，好像東南亞嘅食品都有！越南滴滴咖啡（$38）喜歡越南咖啡，不過要減甜，呢度上菜已落埋練奶（間間餐廳唔同）叫了減半，來到好香，滴漏壺簡單，滴完撈勻，有種獨特好像拖肥糖嘅味道就啱晒！香濃好味！即磨香濃咖啡（$30）朋友飲！明蝦多士（$58）金黃色賣相靚， 炸得乾身，炸漿薄脆，蝦爽口唔腥！麵包好像多士夠脆！唔點沙律醬都好味！星洲炒蘿蔔榚（$48）份量細，蘿蔔榚足料，但呢種星洲炒蘿蔔榚應該微辣，但呢度完全唔辣，只有豉油味，無咗惹味嘅層次！比較寡！蛋又老！一般烤洋蔥叉燒餐包（$46）賣相靚，店員落單已幫我哋切半，餐包鬆軟，叉燒淋身甜膩，炒過嘅洋蔥只有甜無辣！夾埋好味！食物好味！店員有禮斯文，而且細心，會問我們要不要切半（係問咗先落，唔會代我決定）而我問越南咖啡練奶嘅份量，佢又好細心問清楚！感覺舒服！講真價錢略貴，不過加埋環境同服務就值
唐樓重新翻新，樓梯雖然窄，不過光猛！一樓門口都窄，入內好驚喜，白牆深啡木門窗，老舊花紋瓷磚，白桌配藤椅，我哋出露台位置自成一角，地方唔迫，加上樓底極高，唔嘈雜！地方靚，食物種類好雜，好像東南亞嘅食品都有！
41 views
0 likes
0 comments
23 views
0 likes
0 comments
越南滴滴咖啡（$38）喜歡越南咖啡，不過要減甜，呢度上菜已落埋練奶（間間餐廳唔同）叫了減半，來到好香，滴漏壺簡單，滴完撈勻，有種獨特好像拖肥糖嘅味道就啱晒！香濃好味！
即磨香濃咖啡（$30）朋友飲！
16 views
0 likes
0 comments
23 views
1 likes
0 comments
明蝦多士（$58）金黃色賣相靚， 炸得乾身，炸漿薄脆，蝦爽口唔腥！麵包好像多士夠脆！唔點沙律醬都好味！
23 views
0 likes
0 comments
星洲炒蘿蔔榚（$48）份量細，蘿蔔榚足料，但呢種星洲炒蘿蔔榚應該微辣，但呢度完全唔辣，只有豉油味，無咗惹味嘅層次！比較寡！蛋又老！一般
18 views
0 likes
0 comments
24 views
0 likes
0 comments
烤洋蔥叉燒餐包（$46）賣相靚，店員落單已幫我哋切半，餐包鬆軟，叉燒淋身甜膩，炒過嘅洋蔥只有甜無辣！夾埋好味！
食物好味！店員有禮斯文，而且細心，會問我們要不要切半（係問咗先落，唔會代我決定）而我問越南咖啡練奶嘅份量，佢又好細心問清楚！感覺舒服！
講真價錢略貴，不過加埋環境同服務就值得嘅！
Post
