B哥車仔麵 (Closed)

好耐無食車仔麵，今次比我搵到呢間B哥車仔麵，環境好舒適寬敞，好少車仔麵檔可以坐得咁自在🤣注重健康既我地點左兩款油菜，份量好多同好鮮甜。另外點左車仔麵必備既豬紅黎測試下。豬紅爽口彈牙，味道一流！過關！之後試左咖喱鮮魷，味道夠辣夠惹味，不過質感嫌略硬，下次會再試！胃口向來大既我叫左大雜麵，可以一次過試晒所有野！侍應一捧上黎既反應係：嘩！比相既更大豐富好多！🤣 如果你有選擇困難，呢個就岩晒你！最後試埋泰色墨魚餅，魚餅炸得剛好，泰色醬酸甜開胃，作為飯前小吃一流👍🏻