Holt's Cafe

Open Now

Now Closed

遲來嘅食評 呢餐其實係我嘅生日飯點解我生日會揀呢間餐廳？係因為有一次我個朋友同我等人，咁啱喺附近傻吓傻吓就行咗入去，之後試咗佢哋嘅木質起泡飲同埋龍蝦湯海鮮意粉，應該係舊餐牌果陣，而家轉咗新餐牌，都係入咗去先知。雖然冇咗我最鍾意嘅菜式，但個氣氛都唔錯，我主要係鍾意佢嘅裝修同氣氛，你可以點杯飲品，喺出邊露台度坐傾偈。講返今次啲菜式，佢嘅麵包出色就唔使講㗎啦，我通常連埋成嚿牛油咁食，佢個龍蝦伊麵好入味，食極都唔夠，如果唔係個胃有限，應該會狂食，另外牛扒連埋啲醬配合得好好，因為我係同屋企人食，佢哋叫七成熟，一開頭我都有啲驚會硬，但竟然都可以煮得好嫩，羊肉都係，冇嘢太鹹或太硬，價錢嚟講，相對出邊高檔餐廳我覺得性價比高，比較合理，佢個無酒精啤酒都係出色，我個生日甜品又唔係話好甜，個味啱啱好，非常推薦大家去試。