Video
Read full review
2024-11-05
269 views
講食物之前真係要講吓服務, 我同朋友兩個人慶祝生日, book咗6:15, 我6:30先去到，因為時間仲早成間餐廳應該只有三至四成滿, 仲有好多吉枱。 講廣東話嘅男士負責帶位，竟然安排咗張喺走廊人來人往廚房隔離又有推車經過嘅枱俾我，佢竟然同我講所有坐梳化枱嘅人都係有Request 要坐梳化，如果唔係就要坐走廊（但係呢條走廊旁邊就只有三張二人枱）， 但係我嚟過食幾次，無論Walk in定係book枱都係安排坐梳化，或者裏面一啲啲嘅枱， 總之點都唔會呢條走廊。 喺我要求轉枱下，竟然帶我出室外超級大風嘅枱，我嗰下真係O嘴， 我唔想食餐飯搞到吹到頭痛搞到病。 喺我再次要求下俾咗張坐梳化嘅枱我, 之後呢位男士同我講佢哋有用餐限時, 要8:15還枱, 其實我book枱嘅時候就已經知道係訂枱時間計兩個鐘要還枱， 即係我點都係要8:15還枱㗎啦，咁點解要俾張咁差嘅枱我呢？ 要搞一大輪先俾到一張正常嘅枱我？ 到我食完8:20pm離開餐廳嘅時候, 隔離有張四人枱依然係吉嘅, 同埋我依然見到係有幾張吉枱，雖然我唔知我坐果張枱之後係咪會立即有人入座, 我亦唔見門口有人等入座，我哋走嘅時候亦都唔見有人即刻埋去
要搞一大輪先俾到一張正常嘅枱我？ 到我食完8:20pm離開餐廳嘅時候, 隔離有張四人枱依然係吉嘅, 同埋我依然見到係有幾張吉枱，雖然我唔知我坐果張枱之後係咪會立即有人入座, 我亦唔見門口有人等入座，我哋走嘅時候亦都唔見有人即刻埋去執枱。
除咗呢位廣東話男士之外，餐廳其他員工服務都不錯的，都會主動幫我哋裝水及收拾碗碟，上生日甜品的時候仲主動幫我哋影相。 雖然埋單嘅時候拎錯咗一張價錢雙倍嘅單俾我，但係我指出錯誤之後佢立即更正，並且表示不好意思，是為無心之失
至於食物方面叫咗一啲之前都叫過嘅嘢
1. bone marrow paella, 牛肉好腍, 味道唔錯， 牛骨髓味道都算香
2. Pulpo a la gallega 八爪魚好腍, 薯仔亦都好香, 但係兩個人食就有啲滯
3. Soup of the day - sweet corn soup- 呢個係朋友叫嘅湯， 佢話好甜, 不過都好飲嘅
4. Apple crumble 上面嘅雪糕應該係movenpick, 係我最愛嘅movenpick雲呢拿味, 下面嘅Apple Crumble 就正常，蘋果少少酸，兩個人分都幾飽
P.S. 竟然叫孕婦喺大風嘅情況下坐室外去吹風一個幾兩個鐘，真係第一次見餐廳會咁樣安排😅
36 views
0 likes
0 comments
109 views
0 likes
0 comments
Post
