神虎麺商店

Open Now

Now Closed

人生第一次食沾麵就係黎神虎，記得第一啖已經被湯底吸引，今次叫咗300克麵，揀凍麵條，因為食落去會比較有咬口。本身已經跟咗一隻糖心蛋，碗麵有兩塊慢煮叉燒，而沾麵湯底裏面有切粒嘅豚肉粒，可以呈現唔同嘅口感，個人比較喜歡豚肉粒，好咬而且充滿豬肉嘅香味。湯底唔會太濃，恰到好處，食晒成碗都唔會覺得好油膩。叉燒蛋飯嘅精髓絕對係嗰隻太陽靚蛋，篤穿佢同啲飯拌勻，即刻可以食咗半碗飯。叉燒蛋飯嘅份量比較少，但係醬汁好多，令到成碗飯偏鹹，而且啲飯做唔到粒粒分明，黐埋一pat。食兩三啖覺得好味，但食晒成碗應該要飲好多水。