研香

Open Now

Now Closed

突然之間心血來潮好想好想食中式糖水，想在佐敦附近買碗外賣回家嘆，人越急就越難在附近找到心水，於是搵到「硏香」其實早前已經bookmark , 但實在少到尖沙咀，於是的起心肝，由佐敦行過去尖沙咀厚福街，日行10000當運動，對我黎講冇難度，出身汗又可以食多啲。下午4:00 「硏香」人客坐得滿滿，原來除咗cafe , 不少人也喜歡中午食糖水，我還以為好似我這類老派才會做。合桃糊 $36 （已預設）推薦半甜紙袋十分精美，硬淨；個碗用紙造、完全無漏，用料扎實，但搵極都冇匙羹，雖然我吾介意，但也應該先問客人需要與否。打開蓋已聞到合桃糊香氣四溢，褐色的糊狀合桃糊仍存有溫度，入口香滑，果仁的香味堅濃，感覺好實在，冇加入太多粉，甜度不高反而更突出果仁香氣，絕對真材實料，暫時系我食過最高質的合桃糊。