聰。C Dessert

Open Now

Now Closed

今日放假同友人喺銅鑼灣行完街，行到熱熱地，搵個地方涼吓冷氣傾吓偈先再返屋企Hea。帶咗友人去我至愛嘅聰．C甜品食嘢。個餐牌甜品數量之多有人花多眼亂，因為我成日食嘅關係，今次就由有人發辦，佢揀咗一凍一熱，都係聰嫂最受歡迎嘅甜品之一，熱嘅揀咗蛋白杏仁茶凍嘅揀咗芒果麗莎。另外就嗌咗兩個窩夫分別係香蕉朱古力醬，焦糖脆脆，牛角窩夫，麻糬紅豆抹茶雪糕牛角窩夫。杏仁燉蛋白養生美顏之選，杏仁味濃郁，杏仁茶又香又滑，蛋白又係滑嘟嘟進入喉嚨。芒果麗莎係楊枝甘露嘅進化版，佢嘅汁底係芒果沙冰，另外有甜甜嘅芒果同椰果，仲有類似西米嘅脆口水晶珠，口感豐富味道清新，食完透心涼。香蕉朱古力醬焦糖牛角窩夫一層香蕉，一層雪糕加埋脆脆放上窩夫上面食，配合完美麻糬紅豆抹茶雪糕牛角窩夫麻糬細細粒，煙煙韌韌，紅豆抹茶係天作之合另外餐廳以白色為主，環境優美，服務員笑面迎人服務迅速。