FooDo

Open Now

Now Closed

藝人林秀怡有份開的日式手作餐廳，幾年前新開張有食過，之後好多時見到要等位就去左第二間餐廳食。今次再食，回憶返晒黎！餐牌選擇唔多，手作闊麵以及自家製作麵團所烤焗的薄餅是餐廳招牌。① 忌廉汁鳳尾虎蝦、菠菜葉配手作闊麵 $104三隻虎蝦都算彈牙，手作闊麵有厚度有嚼口，仲有陣蛋香味，我幾鍾意呢種質感。食物上枱時見到好多黑椒碎，我覺得有少少蓋過了忌廉汁，不過撈匀後我又幾喜歡呢個味道。② 醃肉、菠菜葉、車打芝士手作薄餅 $96 長方形Pizza分為四份，菠菜葉佔了很多位置，下面有醃肉，味道偏鹹，但夾埋一齊食啱啱好，批邊都幾脆口，餅底中間有啲煙韌，幾有咬口。朋友捲埋一齊食好似食緊捲餅咁，呢個創新食法幾正！主食奉送凍水果茶或凍冷泡玄米茶，冰凍清甜，啱晒夏天飲。③ 烤焗芝士雞塊 $48四件雞塊都幾大件，芝士在表面包住雞塊，烤焗過後有陣鹹香，咬開熱辣辣，肉嫩有汁，好食。④ 焦糖脆脆蛋糕 $54蛋糕好綿好軟，焦糖脆脆堅係脆口，夾埋一齊食味道唔會過甜。.雖然食物份量唔算大份，但兩個人叫兩份主食，加份小食其實都夠飽。