Video
Read full review
2023-10-03
64 views
呢間喺九龍城嘅火鍋小店，環境闊落比較清靜，好適合同屋企人朋友過嚟，可以傾吓偈食返餐飯，環境又坐得舒服！餐廳多款特色湯底，鍋底湯料高質份量都好足；有自家魚缸，海鮮夠生猛新鮮🐟仲可以即切成刺身，另外佢哋嘅手切牛肉同手打丸餃🥟都係必叫！一坐低，店員會先上一碟酸蘿蔔做小菜，特別開胃，然後再俾一個醬料盤，客人可以根據個人口味調配醬料，------------------------------🐓◖海底椰青雞湯鍋◗ $148湯底用花膠、海底椰同雞件熬煮，湯料幾多，花膠好厚滑溜，有啲似魚肚、雞件偏瘦有雞味，湯底都幾清比較養生，更能帶出食材嘅味道，點上佢哋自家製嘅辣豆瓣醬，更香！🐂◖手切封門柳◗ $368見佢作為佢呢到嘅招牌，梗係試埋！封門柳都真心大碟，牛肉肥瘦適中，花紋好靚，食落牛味都幾濃郁，手切有返少少厚度，啖啖肉更加滿足！🧆◖三寶丸◗ $110三寶丸係佢哋嘅三款手打丸類：陳皮牛肉、梅菜豬肉同墨魚丸，每款都有四粒，一次過試晒！個人最鍾意墨魚丸、其次就係陳皮牛肉丸，再到配菜豬肉丸。墨魚丸頗彈牙有鮮味；陳皮牛肉嘅牛肉係手唧，夾雜陳皮粒，味道有層次；梅菜豬肉有少少似梅菜肉飯，甜甜地有啲口感，幾過癮！🍜◖
------------------------------
🐓◖海底椰青雞湯鍋◗ $148
湯底用花膠、海底椰同雞件熬煮，湯料幾多，花膠好厚滑溜，有啲似魚肚、雞件偏瘦有雞味，湯底都幾清比較養生，更能帶出食材嘅味道，點上佢哋自家製嘅辣豆瓣醬，更香！
🐂◖手切封門柳◗ $368
見佢作為佢呢到嘅招牌，梗係試埋！封門柳都真心大碟，牛肉肥瘦適中，花紋好靚，食落牛味都幾濃郁，手切有返少少厚度，啖啖肉更加滿足！
🧆◖三寶丸◗ $110
三寶丸係佢哋嘅三款手打丸類：陳皮牛肉、梅菜豬肉同墨魚丸，每款都有四粒，一次過試晒！個人最鍾意墨魚丸、其次就係陳皮牛肉丸，再到配菜豬肉丸。墨魚丸頗彈牙有鮮味；陳皮牛肉嘅牛肉係手唧，夾雜陳皮粒，味道有層次；梅菜豬肉有少少似梅菜肉飯，甜甜地有啲口感，幾過癮！
🍜◖特色魚蓉麵◗ $48
呢個配料真係比較少見，佢完包魚肉蓉漿送上嚟，要好似整蛋糕唧忌廉咁樣，將啲魚肉唧出嚟，跌咗落啲水到就會固化，形成一條條魚麵～魚麵口感都幾彈牙，食落比較似鯪魚肉～
🥤◖Zero◗ $15
🌟Encore指數：8.3/10
Post
