石鍋堂

Open Now

Now Closed

放假約埋朋友一齊去旺角睇戲，晚餐時間朋友話突然想食石鍋堂，餐廳地方整潔，主打日式石鍋手打烏冬、石鍋飯、蛋包飯。吉列豬扒石燒手打烏冬：湯底有五款選擇，揀咗魚介豚骨湯，湯熱辣辣用石鍋上，上枱時仲滾起泡泡，湯底用咗不同魚乾、乾貝粉和昆布熬煮10小時而成，味道濃厚鮮甜，手打烏冬煙韌彈牙，另上嘅吉列豬扒香脆可口，配沙律醬味道更提升。照燒雞扒蛋包飯：雞扒用傳統日式照燒汁煮製過，皮香肉滑，食落仲啖啖肉，一塊充滿蛋香的蛋皮裹着以醬油調味的珍珠米，吃時倍覺細嫩幼滑。汽水夠冰凍。