渝味曉宇重慶老火鍋 (渣甸中心) (Closed)

同男朋友屋企人打邊爐當然唔可以馬虎啦，之前食過灣仔分店嘅渝味曉宇覺得都幾好食，加上個人好掛住佢啲重慶香酥肉，今次係銅鑼灣穩陣起見就食返呢間餐廳 同灣仔有啲唔同，之前係用紙落單，今次銅鑼灣呢間係用手機點餐的，環保又方便~餐廳座位都幾寬敞客人可以坐得舒適仲有紙圍裙，雖然個人覺得冇乜必要，但係都幾貼心同上次一樣一去到店員會為客人送上一碗紅棗雪耳糖水，俾客人喺食辣嘢之前 養一養胃鴛鴦湯底個人非常喜歡的重慶香酥肉， 炸得又香又酥，唔油膩之餘又唔會好乾，而且仲夾雜咗少少麻椒粒，食起上嚟咬到會有一陣陣嘅麻辣感覺，好刺激但又唔會太辣， 喺嘢食未熟之前送啤酒一流！冰豆腐已經唔記得咗係咩牛肉，肥瘦均勻食落有牛香味 ，係靚牛肉羊肉卷， 有少少羊嘅騷味，易入口黑豚肉， 鮮牛肉和桂花蚌台式唔記得咩粉，口感幾特別，好似好大條嘅水晶粉，口感非常煙韌，值得一試最尾我哋仲叫咗個甜品，台式糍粑， 有啲似麻薯或者年糕，上面度加咗好多蜜糖同有少少芝麻增強口感，蜜糖唔會太甜同年糕一齊食剛剛好 ，年糕外皮炸得好香脆，入面好煙靭， 有點像台灣的燒麻薯，非常得意！