火鍋隨意門

Open Now

Now Closed

銅鑼灣有好多火鍋店，呢間主打花膠雞，另外有多款特色湯底供應，如卜卜蜆、冬瓜瑤柱、酸菜魚、麻辣鴨血等。店內環境唔大，裝潢以宮廷式為主調，食物擺盤精緻，經過可以一試。酒香火焰麻油雞濃湯鍋出邊比較少見，三黃雞大件啖啖肉，花膠超級大塊，入口滑溜，配上秘製麻油，再用玫瑰露酒燒香。一定要先飲湯，唔係嘅話就嘥晒，味濃，暖胃，幾滋補。肉類有蘋果木煙燻手切牛頸脊，薄切，肉質嫩、帶子都唔錯，鮮甜可口。餃子拼盤有五款，味道獨特，皮薄餡多。蔬菜拼盤樣樣有少少，食返啲菜感覺更健康。飲品造型都幾正，竹蔗茅根味道偏淡如果飲開甜嘢建議叫其他。