616牛肉火鍋專門店 (西菁街)

Open Now

Now Closed

泥呢到就一定係瘋狂食牛🤤因為人地呢到就係轉食牛牛打邊爐㗎嘛。入到去就可以用部tablet揀野食啦～叫左個牛雜鍋底，咁又可以打邊爐又有牛雜食啦哈哈。都幾多牛雜㗎噃。而且都多蘿蔔，大大舊又清甜又吸收曬啲湯嘅精華味道。未打邊爐前仲可以叫個麻辣冷盤，咁等水滾都有野食填肚啦。牛嘅部位選擇都多㗎，有啲真係名都未聽過咁滯。最好嘅係佢教埋你要淥幾耐，咁就唔怕overcook會嚡啦。而且每份嘅份量唔算好多，咁你就可以多啲選擇，可以每樣都試下。而且選用嘅都係唔錯嘅牛，食落牛味都幾香。唔係一般冷凍牛肉可以比，脂肪分佈靚㗎