天心 (Closed)

日本嘅打邊爐方法，係咪得shabu shabu？旺角呢間日本料理，就有另類嘅日式火鍋方式呢係廣島蠔鍋，係以香檳同幾種麵豉加味醂作為湯底，確實有好芬芳嘅酒香蒸蒸而上煲得耐啲，就會帶有酸味，味道會有變化隨餐會有八隻蠔同兩條蝦，係刺身級海鮮生蠔size幾巨，淥大概廿秒，半生熟咁放入口，蠔香泉湧，香到唔捨得飲水沖走蠔香。而蝦肉嫩而不柴，啖啖有肉汁，蝦頭極具蝦香呢種湯底好適合配海鮮，所以加多份鮟鱇魚肉，佢唔似一般魚肉滑到散晒肉質實淨彈牙，魚皮充滿骨膠原先淥海鮮，等湯底滿有海鮮精華，先至食蔬菜，蔬菜籃有好多款食材，包括木棉豆腐、舞茸菇、厚油揚腐皮、日本粟米、野菌盛、野菜盛、福袋、大根非常豐盛，新鮮爽口，又夠吸味，冇諗過食菜都可以咁滿足食完唔好走，湯底唔會嘥，店員會幫你將火鍋湯底化為risotto淥咗咁耐，大量食材嘅精粹都融喺湯底度，再加上芝士同白飯，成碗risotto超香濃，拉晒絲嘅味覺誘惑點抵檔？滿足咗第一個胃，仲有第二個胃，呢度有賣日本馳名蛋糕。抹茶芝士磚好濃郁茶香，但唔會膩，點點紅豆做點綴啱啱好另一份係開心果味夾心餅，有啲蕨餅做夾心，層次豐厚，奶油充滿開心果嘅幸福氣息