Video
Read full review
2021-06-26
335 views
上次黎紅花會食唔到佢既名物酸菜魚, 知道佢有個商務LUNCH SET幾抵食, 又有酸菜魚係個SET入面, 就特登BOOK左位食LUNCH。日頭既紅花會有大玻璃窗外既自然日光, 感覺更加舒適, 坐低飲啖靚茶, 等待上菜。老火湯熱辣辣鮮甜滋潤, 飲得出有D火喉兼冇味精, 飲完一D都唔口渴。前菜: 醋辣雲耳 麻辣豬耳香辣味道加埋醋既酸MAYMAY, 雲耳同豬耳都有咬口爽脆, 開胃一流。椒汁飽魚好多粒粒尖椒同紅椒, 咬下咬下香辣過癮, 飽魚切成簿片, 沾左香辣既味道, 不錯! 最中意反而係佢加入左芹菜, 又香又脆, 食唔停口~酸菜沙巴魚今日最期待既主角! 揀左沙巴魚, 冇骨啖啖肉, 魚肉嫩滑而且仲有好多片, 湯底入口有齊椒香酸味, 認真細味仲帶有魚鮮味, 味道豐富又有層次, 真係有D料到! 入面仲有好多配菜, 特別中意既係爽脆既蓮偶同埋煙韌既薯粉, 吸哂湯非常好食!蛋黃肉即係咸蛋肉餅, 充滿肉汁, 肉質腍滑, 帶咸蛋黃香, 撈個白飯都可以食到兩碗!XO醬海皇炒絲苗絲苗米炒得粒粒分明又夠乾身, XO醬味道唔會OVER, 加埋蝦粒, 蛋同蔥等香氣十足, 仲好大碟下, 食到依度已經飽到上心口
日頭既紅花會有大玻璃窗外既自然日光, 感覺更加舒適, 坐低飲啖靚茶, 等待上菜。
老火湯
熱辣辣鮮甜滋潤, 飲得出有D火喉兼冇味精, 飲完一D都唔口渴。
前菜: 醋辣雲耳 麻辣豬耳
香辣味道加埋醋既酸MAYMAY, 雲耳同豬耳都有咬口爽脆, 開胃一流。
椒汁飽魚
好多粒粒尖椒同紅椒, 咬下咬下香辣過癮, 飽魚切成簿片, 沾左香辣既味道, 不錯! 最中意反而係佢加入左芹菜, 又香又脆, 食唔停口~
酸菜沙巴魚
今日最期待既主角! 揀左沙巴魚, 冇骨啖啖肉, 魚肉嫩滑而且仲有好多片, 湯底入口有齊椒香酸味, 認真細味仲帶有魚鮮味, 味道豐富又有層次, 真係有D料到! 入面仲有好多配菜, 特別中意既係爽脆既蓮偶同埋煙韌既薯粉, 吸哂湯非常好食!
蛋黃肉
即係咸蛋肉餅, 充滿肉汁, 肉質腍滑, 帶咸蛋黃香, 撈個白飯都可以食到兩碗!
XO醬海皇炒絲苗
絲苗米炒得粒粒分明又夠乾身, XO醬味道唔會OVER, 加埋蝦粒, 蛋同蔥等香氣十足, 仲好大碟下, 食到依度已經飽到上心口。
金絲棗蜂蜜黑糖糕 桂花糕
桂花糕則清甜解膩, 而我超中意既係金絲棗蜂蜜黑糖糕, 應該依度先食到! 熱辣辣味道香甜清新, 口感煙韌Q彈, 直情想食埋朋友個件!
Post
