五匠六釜

Open Now

Now Closed

下班後到Airside逛街，今晚想食中菜所以選擇左「五匠六釜」。餐廳格局開揚，裝潢別緻，感覺寬敞。可能因為比較夜先入座，所以唔使等位。四川擔擔麵份量比一般大少少，擔擔麵麵質細滑彈牙，配有花生、肉末、蔥花等，湯底偏稠。最特別係佢有比較重嘅麻辣味，個人嚟講係好欣賞，味道濃郁，麻香引人，整個麵很美味。京蔥羊肉餃子令我喜出望外嘅餃子，餃子隻隻都非常飽滿，餃子皮薄而有韌性，羊肉的鮮味搭配上醋和辣椒油，簡單好食。京燒羊肉外皮香脆，羊肉食落有乎合我口味嘅微膻味，肉質可以，價錢算實惠。飲品list 都幾特別，除左一般汽水啤酒外，仲有比較烈嘅二鍋頭同百年糊塗，仲有近期大熱嘅鴨屎香檸檬茶。見鄰座點了鴨屎香檸檬茶，廿幾蚊大大杯，可以打卡兼去油膩感。