Video
Read full review
2021-03-07
1901 views
「阿來泰式地道風味」可算係我半個食堂，疫情前去街去到夜🌘，要喺旺角坐紅Van返屋企都會幫襯佢或者魚蛋粉，皆因佢哋開到好晏。夜但都好熱鬧，因為真心係平靚正。反而日頭食就無幾多次，呢個星期六去食先發現週末都有做午餐，仲要做到下午五點半。難怪餐廳無時無刻都咁多人幫襯👏。午餐$50樓下就有交易，仲要係大大碟。其實就算正價餐牌都唔貴！餐廳環境正正常常啦，無別緻嘅裝修，但尚算企理。下層座位唔多，好快爆滿，幸好仲有上層，而且上層有大枱，適合一班人聚會👨👩👧👦。辣椒膏蝦頭油海鮮炒飯($68)，炒飯炒完有經堆疊過先上碟，所以成座山咁高，好有氣勢😎！炒飯各方面都做得好好，飯粒分明，炒得夠乾身，而且每粒都好入味🍚。炒飯隻色似用咖喱炒，但食落辣度強勁，我會起碼用三隻辣椒🌶🌶🌶嚟形容，唔食得辣者勿點，但其實辣味以外真係帶點蝦油香，令我又愛又恨。餸料方面，海鮮好足料，有幾隻爽口大蝦、魷魚、青口、蜆同蟹柳等，算係咁啦。金不換香辣肉碎炒河($48午餐價)，炒河同炒飯一樣咁大碟，同樣比人澎湃嘅感覺😍。雖然名為肉碎炒河，但實際邊止淨係得肉碎吖，另外仲有大量蔬菜如三色椒同粟米筍等。味道方面散發住金不換嘅香氣，而微辣嘅
「阿來泰式地道風味」可算係我半個食堂，疫情前去街去到夜🌘，要喺旺角坐紅Van返屋企都會幫襯佢或者魚蛋粉，皆因佢哋開到好晏。夜但都好熱鬧，因為真心係平靚正。
反而日頭食就無幾多次，呢個星期六去食先發現週末都有做午餐，仲要做到下午五點半。難怪餐廳無時無刻都咁多人幫襯👏。午餐$50樓下就有交易，仲要係大大碟。其實就算正價餐牌都唔貴！
餐廳環境正正常常啦，無別緻嘅裝修，但尚算企理。下層座位唔多，好快爆滿，幸好仲有上層，而且上層有大枱，適合一班人聚會👨👩👧👦。
辣椒膏蝦頭油海鮮炒飯
$68
80 views
0 likes
0 comments
辣椒膏蝦頭油海鮮炒飯($68)，炒飯炒完有經堆疊過先上碟，所以成座山咁高，好有氣勢😎！炒飯各方面都做得好好，飯粒分明，炒得夠乾身，而且每粒都好入味🍚。炒飯隻色似用咖喱炒，但食落辣度強勁，我會起碼用三隻辣椒🌶🌶🌶嚟形容，唔食得辣者勿點，但其實辣味以外真係帶點蝦油香，令我又愛又恨。餸料方面，海鮮好足料，有幾隻爽口大蝦、魷魚、青口、蜆同蟹柳等，算係咁啦。
金不換香辣肉碎炒河
$48
37 views
1 likes
0 comments
金不換香辣肉碎炒河($48午餐價)，炒河同炒飯一樣咁大碟，同樣比人澎湃嘅感覺😍。雖然名為肉碎炒河，但實際邊止淨係得肉碎吖，另外仲有大量蔬菜如三色椒同粟米筍等。味道方面散發住金不換嘅香氣，而微辣嘅肉碎則好惹味，呢款辣度就易入口好多呢😛。不過講到我最欣賞嘅地方係，呢度用上超闊身嘅河粉，約有成吋闊，口感幾滑亦唔易碎，有少少似涼皮。佢嘅炒河明顯比其他泰菜店或茶記出色。
椒鹽軟殼蟹
$88
25 views
0 likes
0 comments
椒鹽軟殼蟹($88)，軟殼蟹貫徹大大碟嘅作風，大量嘅避風塘碎碎將蟹蟹埋藏住，椒鹽味好過醬汁煮，因為唔會整濕脆皮。🦀軟殼蟹幾大隻兼肉厚，外皮炸得酥脆香口，更難得唔油膩亦唔熱氣。一碟嘅份量係夠四個人食，因為有兩隻，而且佢會再分邊。呢個價錢食到咁大啖蟹肉確係完全無得輸😋！
椰汁三色冰
8 views
0 likes
0 comments
總括嚟講，阿來係一間當之無愧抵食夾大件嘅街坊泰菜🇹🇭👍。今次我哋嗌得唔夠醒目，因為明知兩條友真係無可能食得落兩大碟炒飯麵囉！反而可以Share食一碟，再試下咖哩或其他小食。整體係值得一食再食啊😉，推介。
Post
