麻辣年華 (楊屋道)

Open Now

Now Closed

平時見到依間麻辣年華好旺，今日終於有機會黎試下。見到佢嘅套餐又平又豐富，二話不說就叫咗黎食。脆皮烤魚，升級咗加海鮮。烤魚好大條，外皮焦脆，魚肉滑嫩，叫咗唔辣所以係蕃茄湯底，魚肉吸哂蕃茄湯嘅精華。海鮮亦都好豐富，有鮑魚仔、鮮蝦、蜆，份量非常多。金銀蒜烤生蠔，生蠔脹卜卜兼爆汁，上面鋪咗滿滿嘅蒜粒，非常惹味。串燒，有牛肉同埋羊肉，烤得非常香口，調味十足。乾鍋係西蘭花炒臘腸，炒得好有鑊氣。估唔到飲品都好特別，水果茶用料豐富，有百香果、橙、蘋果、提子等等，而青檸柑桔梳打爽口鮮甜。