Pici

Open Now

Now Closed

呢間成日都嚟食，今次終於的起心肝寫呢篇食評。鋪頭由裝修到音樂到食物，我覺得都係非常之正！佢本身樓底夠高，加埋半開放式設計，坐得好舒服。另外，音樂方面播80年代嘅懷舊Rock 同 Dance音樂，同成個氣氛配合起嚟非常up beat & good feel。講番正題，食物方面主打手工意粉，意粉每日新鮮準備，所以口感新鮮又彈牙，加埋佢哋烹調嘅時間啱啱好，可以堪稱”AlnDente”!個人比較鍾意佢嗰個松露白汁意粉：松露香味非常之突出，而且佢本身意粉份量唔會太大份，如果唔太肚餓嘅話食一碟就啱啱好，肚餓嘅話就可以試足兩款唔同嘅口味！小食方面都有唔錯嘅選擇：個人鍾意意大利肉丸，啱晒作為食肉獸嘅朋友！總括嚟講，呢間係一間好值得推介嘅餐廳。加埋佢附近就有全亞洲排名第一嘅酒吧the old man，所以係週末嘅好去處。不過要注意等位時間都好耐，所以早啲去book位無妨。