青花 (THE FOREST)

每次去The Forest 行街都會見到一間東南亞餐廳長期爆滿，今次提早book位入去試吓。餐廳仲有室外露營位，有埋帳幕，地面係人造草地，十足十係郊外camping feel。冬陰單骨炸雞翼用單骨炸食落去好方便，雞翼表皮炸得非常香脆，咬落去仲有好多肉汁，食到陣陣冬陰功味，唔會太辣。白冬陰功.南薑椰汁雞湯想飲冬陰功湯但又食唔到太辣嘅朋友可以考慮叫呢個，雞嘅份量好多，肉質滑，仲見到大大個南薑、香茅等食材，味道酸酸辣辣，少許椰汁香味。馬薩拉香料牛肉咖喱馬薩拉咖喱口味溫和，辣度微辣，牛肉份量多，牛肉同薯仔超入味，我地特登叫埋油酥手抓薄餅配咖喱食，手抓薄酥脆，咖喱汁圓潤豐富，兩者好夾。芒果糯米飯糯米飯加入咗蝶豆花，變成左紫色，上面淋咗香甜嘅椰漿，加埋清甜多汁嘅芒果，賣相色彩繽紛，令人增加食慾。楊枝甘露奶蓋滋潤清甜嘅楊枝甘露，上面有一層厚厚creamy 既奶蓋，好特別嘅組合。