Video
Read full review
2012-03-07
38 views
12月4日, 下午茶時間走在淘大, 搵下有冇tea食, 行過呢間海南雞專門店, 見到佢嘅下午茶幾平咁, 有個飯包埋飲品大多都係廿幾蚊, 點都要試一試~::: 去骨海南雞飯 + 凍檸茶 ::: $23當然下午茶時間就預咗份量唔會多, 但係出嚟嘅都唔會失望, 因為都有一整飯碗, 上面鋪咗4件雞, 仲要係雞脾添! 而新加坡海南雞飯特色當然唔少得嗰3種醬, 個人最鐘意甜豉油, 不過我都會3種都撈晒, 實行大混醬又辣又甜又有蔥香~ 可惜質素只屬一般般, 海南雞肉地雖鮮嫩但係冇乜味, 話明去骨但係仲有骨… 油飯過於乾硬應該都灘凍咗好耐, 唔新鮮. 應該就係午餐用剩嘅飯想賣埋去, 好彩呢個飯只係$23包飲品, 快餐價錢都食到d特別野~凍檸茶正常咁啦, 檸檬味夠亦都唔係用唔新鮮嘅去做. 甜度都夠晒.::: 咖哩雞扒飯 + 凍奶茶 ::: $23份量同海南雞飯相約, 但感覺就求咗d~ 有一塊都幾甩皮甩骨嘅炸雞扒同埋半兜好似人地食剩兩舊薯仔嘅咖哩汁比我. 雞扒肉味就欠奉架喇~ 但如果佢係由lunch time擺到而家嘅話, 其實都唔算太乾, 個皮仲有少少脆添. 兜咖哩汁雖然核核突突, 但又估佢唔到濃杰適
::: 去骨海南雞飯 + 凍檸茶 ::: $23
當然下午茶時間就預咗份量唔會多, 但係出嚟嘅都唔會失望, 因為都有一整飯碗, 上面鋪咗4件雞, 仲要係雞脾添! 而新加坡海南雞飯特色當然唔少得嗰3種醬, 個人最鐘意甜豉油, 不過我都會3種都撈晒, 實行大混醬又辣又甜又有蔥香~ 可惜質素只屬一般般, 海南雞肉地雖鮮嫩但係冇乜味, 話明去骨但係仲有骨… 油飯過於乾硬應該都灘凍咗好耐, 唔新鮮. 應該就係午餐用剩嘅飯想賣埋去, 好彩呢個飯只係$23包飲品, 快餐價錢都食到d特別野~
凍檸茶正常咁啦, 檸檬味夠亦都唔係用唔新鮮嘅去做. 甜度都夠晒.
::: 咖哩雞扒飯 + 凍奶茶 ::: $23
份量同海南雞飯相約, 但感覺就求咗d~ 有一塊都幾甩皮甩骨嘅炸雞扒同埋半兜好似人地食剩兩舊薯仔嘅咖哩汁比我. 雞扒肉味就欠奉架喇~ 但如果佢係由lunch time擺到而家嘅話, 其實都唔算太乾, 個皮仲有少少脆添. 兜咖哩汁雖然核核突突, 但又估佢唔到濃杰適中有椰奶味夾咖哩香! 不過由於d飯頗乾硬, 撈埋咖哩汁都無補於事… 唯有認真咀嚼完先吞.
凍奶茶都幾濃, 不過d茶味都幾澀… 同埋因為一早沖定晒所以無得調較甜度, 都幾甜.
完全自助式, 買飛攞餐都要自己嚟, 所以就冇乜服務可言. 平民茶餐廳確實價錢非常相宜, 但係一分錢一分貨, 冇話好食唔好食, 睇下自己對食嘅態度~ 呢個價錢下次我地都會再嚟食嘅.
Post
