栢檔去骨海南雞飯 (Moved) New Location

團購價套餐很超值,所以很快都買光了(幸好我早買了)(奸笑) (你..)ఠ_ఠ九龍灣店地方比較大,當時人流不多,坐得很舒服的說(￣︶￣)店員都很有禮(嘛…包括幾位有刺青的帥哥)(喂)lll先來重點海南雞,雞肉肉質很滑,比外面的完全不同,吃了那麼多家都沒吃過這麼滑的肉質,而調味方面,是沒有任何配料的味道,這樣可以吃出雞肉的鮮味,而且油份適中,配上3款醬料再伴飯很不錯(很讚就是了)(́>◞౪◟<‵)ﾉｼ (你寫得也太長了吧)菜應該是用湯來煮的,味道很鮮甜,♨湯味道很濃,配料也很足~團購卷買的外買原隻去骨海南雞,份量很多的說 ~(不過拿回家里,很快就給吃光了…(汗...)(́。◞౪◟。‵)"豬手口感很彬,吃落肥而不溜,味道調配剛好,皮和肉都很滑,伴飯很好吃,但這個餐沒海南雞的那麼多配菜,但份量跟味道都很不錯~(=￣ω￣=)大滿足是也~

I went all the way to Amoy Plaza's Pak Dong Hainan Chicken as it claims to offer "authentic" Hainan Chicken. I checked the reviews which was quite positive and promising, yet you should never trust anyone's taste bud but yours.Boneless Hainan ChickenI like how the chicken was de-boned, making it very easy to consume. The chicken were smooth and tender but was also flat in texture. The skin was fat and aromatic. The sauces were horribly tasted, the red sauce was weirdly sour and the black sauce w

很滿足的一餐地方很大，燈光通明，冷氣夠涼爽是晚跟男朋友吃了這個無骨海南雞餐如圖所示，份量很足夠呀！有湯有菜仲有餐飲連肥豬仔都食到夠哂飽！中湯味道不錯，夠熱，飲得出有料菜正常，都幾大碟！抵食海南雞正正常常，無骨真係好方便油飯，我喜歡，唔差：）岩我地呢種懶人附有三種醬汁，除左匙油普通ｄ其餘兩種都好正！＄４０樓下，ｆｏｒ晚餐黎講，又食到飽一飽，算很正啦如再有團購，會ｅｎｃｏｒｅ幫襯！

計劃了去吃意粉，在等位接近一小時後才發現我手持的優惠券並不適用，唉，我實在是太粗心大意喇！心灰意冷下朋友建議去應該無需等位的栢檔去骨海南雞飯看看。晚上八時多，顧客頗多，座位幾近全滿，正好有兩位食客離開，彷彿讓座給我們，哈哈，就姑且試試這兒的海南雞吧！我們點了一個$138的二人餐，包括了兩碗油飯、湯、飲品、一碟油菜、去骨海南雞和滷水元蹄。食物細評如下～住家靚湯：湯內有紅蘿蔔、粟米、豬骨、南北杏，算真材實料，味道甜，但感覺有味精，而且不夠熱。去骨海南雞：自問舌頭不靈活，是一個懶人，這碟雞實在是我的最佳選擇，勝在啖啖肉，正！雞皮看似很肥，所以我沒有吃，而雞肉則很嫩滑，真的是以海南雞為賣點的餐廳呀！滷水元蹄：本來二人餐可選咖哩，不過朋友說要吃肉，那便順應民意吧！加上看到旁邊食客的咖哩，貌似街邊十元一碗的樣子，選配滷水元蹄是明智的。元碲賣相一般，很肥，肉質腍，味道不錯，亦是無需吐骨，果真是「懶人餐」呀！蠔油生菜：生菜軟硬適中，蠔油極多。海南雞油飯：飯偏乾，但粒粒入味，偏好重口味的我更將那碟色澤過份綠的蔥油拌到飯中，令我特別開胃。整體而言，我滿意去骨海南雞飯的食物，每人$70吃得飽飽的，價錢頗實惠

原本只係諗住落街隨便食餐lunch，冇諗住會寫食評，所以sorry，冇影相愈食愈覺得忍唔住喇要打食評抒發一下....第一次來，叫了一個$42招牌的大無骨雞飯，有湯，3碟醬，冇骨雞和一碗飯拿食物時才發現原來$42(大)和$33(小)的雞的數量是一樣的，只是多了碗湯和碗飯大小小吃第一口雞時發現，舊雞啖而無味，而且凍冰冰細心一睇下原來雞油已經凝固成jelly了~~ 就好似放左好耐咁 =_="成碟雞真係好冇味，連基本的鹹味同雞味都冇，又唔滑，食到冇曬心機連個3碟醬都好唔吸引，最好算係橙色個碟，有點酸酸地，但同舊雞又不是太match綠色的所謂 "薑蓉"，沒有薑味.....仲連蔥味都好微弱最誇張是黑色個碟鼓油.....冇味冇味.....連拎來點雞的鼓油都冇味...............無奈............睇返樓上的post，原來呢間野係標榜"不加味精"，但如果不加味精 = 冇味 的話...我真係冇言.....呢間野，我以後都唔想再吃!!

正午剛剛好12點溫書溫到好肚餓就近去咗淘大果邊穩野食見到海南雞飯又喃起好耐冇食唔理三七二十一冲入去居然得我一個？算，醫肚重要D坐低發現點解冇餐牌原來呢間餐廳系好似大X活咁自助式落單唔夠三分鐘就有得食唔知系咪因為天氣問題今日系有D凍凍地....之後個海南雞飯有D油凝固咗在底算，我肚餓其實D汁幾好味甜醬油？泰式辣醬？香蔥油？sorry其實系我凍到試唔清D味......sadsadsadsad唔使加錢，學生價就要咗杯熱奶茶杯奶茶奶少茶多，唔夠香滑聞落去就真系幾香飲曬發現有茶渣大煞風景！海南雞飯D雞肉好滑但系雞皮好厚，好多脂肪D油凝固咗個飯就有少少干同埋個分量真系剛剛好唔多唔少，唔會浪費不過33蚊咁少又好似有D過分anyway凍凍地有野落肚我就滿足喇~

今日又是到九龍灣工作，一如上次般覺得德福太悶氣了，再到淘大商場覓食。除了德福和淘大外，還想到工業區覓食的，可是手頭上仍然有工作在身，再要往德福附近做埋手頭上的工作才可以用膳。當在下走進淘大商場門口，給一個栢檔的招牌所吸引，說甚麼去骨海南雞，於是尋找一下這食店。行到店舖門口，原來是一間自助式的快餐店，主力售賣星馬菜式--去骨海南雞，而且標榜住家靚湯，真材實料及不加味精，在下看到當然要試吓它的海南雞飯和無味精的住家靚湯。在下拿取食物後，看到這店舖頗闊落沒有侷促感。除了海南雞飯外，還有咖哩及其他食品供應。然而在下點選的海南雞飯是大的，可是這海南雞飯比在下預期的為小，只是油飯大了的，海南雞沒有想像中的為多，而且沒有飲品，只轉換了例湯。而在下所見到鄰座顧客的小海南雞飯，其猶如一個碟頭飯般。環顧在下的去骨海南雞飯，整個組合都是合格，雞皮呈現金黃色，油飯也是呈金黃而帶有光澤，靚湯色水也沒有異樣，青紅蘿蔔及粟米各一個，不多不少。先說說靚湯，當真沒有加添味精，亦覺靚湯清甜，青蘿蔔沒有半點苦澀味，實屬靚湯是也。到了主角去骨海南雞，在下第一口吃下時，感覺上是凍了一點，似乎在雪櫃裡出一樣，但是後來慢慢暖和，才

海南雞飯一向是我在星馬菜之中的最愛.去年得知淘大開了這家專門吃海南雞的, 不過有友人吃完後投訴很差, 所以一直沒試.今天又路過此店, 眼見淘大的食店都食到7788, 唯獨這家未試過, 人又不多, 便放膽入去試試看.下午茶時間一客要hkd$39, 不算很便宜.例湯是青紅蘿蔔湯, 標榜沒有味精味道是很夠, 料都算幾足, 飲完沒有口渴的感覺.飯不是很大碟, 雞也不是很多件雞油飯沒什麼香味, 不過好在不是白飯, 吃下去較硬身, ok.雞件較肥, 唔算好滑但雞肉都算嫩身不太鞋, 但沒什麼雞味. 吃完都算幾飽. 味道其實算是中規中距, 當然跟有名的大店比是失色,但這價格的話還算ok吧. 不過這裡的枱都幾油, 乾淨程度麻麻地.

今日一起身, 望望個鐘, 哇成三點幾, 又肚餓, 但叫人都冇人會同我去食飯啦, 不過冇所謂, 下午茶時間一樣得一直都想試呢間栢檔的了, 由細到大都想試下啖啖肉食雞嘅滋味, 於是乎見下午茶時間, 平平地去食呢間了餐廳形式係快餐店形式, 即係先到櫃檯畀錢, 然後再到取餐處等候攞食物, 今次我就叫左下午茶先有嘅「海南雞米線」，不過叫果陣都有樣趣事想同大家分享一下；我同櫃檯小姐問：「唔該一個海南雞米線。」佢可能聽得唔太清楚，問：「街美線定咦美線？」我當堂：「...下...?」，再睇個餐牌，哦～原來有另一個「魚米線」於是我就同佢講要街美線嘞好，上圖就是我嘅街美線了；如圖所見，係有罐嘢飲的，我就幾喜歡呢種畀嘢飲嘅方法了，因為肯定夠衛生，但呢一款托盤就一直我最驚嘅類型，因為托盤同埋個碗，重有個罐汽水，全部都會冼泥冼去，真係好鬼得人驚，其實有冇可能諗個方法搞掂佢呢？食湯麵第一樣嘢要做嘅就梗係飲飲個湯底啦，不過就有啲失望嘞，其實「湯底」只係一碗有南瓜肉同埋染左小小色嘅滾水而食左個米線, 都因為咁而冇乜味道...不過唔緊要！泥呢度就係要食個雞架嘛！好在都完全冇令人失望，雞肉就咁食，都好夠嫩，真係剛剛好，又

一個人去淘大買d野, 之後就搵食見到有海南雞飯就想試下, 有點似自助形式到櫃台點餐俾錢就將單放到樓面就可以坐底, 跟住就有人會將餐給你叫左一客海南雞飯再加多一碟油菜...餐既例湯絕不麻虎, 煮家湯無味精好好飲, 主角海南雞好滑再配上3款醬汁無得頂., 反而個油飯就麻麻地無咩雞油香味, 不過飯唔算軟飯已經令我好滿足 喜歡這裡d醬油係可以自己加添, 對於醬怪既我就更加方便. 一客都係$39十分超值.

12月4日, 下午茶時間走在淘大, 搵下有冇tea食, 行過呢間海南雞專門店, 見到佢嘅下午茶幾平咁, 有個飯包埋飲品大多都係廿幾蚊, 點都要試一試~::: 去骨海南雞飯 + 凍檸茶 ::: $23當然下午茶時間就預咗份量唔會多, 但係出嚟嘅都唔會失望, 因為都有一整飯碗, 上面鋪咗4件雞, 仲要係雞脾添! 而新加坡海南雞飯特色當然唔少得嗰3種醬, 個人最鐘意甜豉油, 不過我都會3種都撈晒, 實行大混醬又辣又甜又有蔥香~ 可惜質素只屬一般般, 海南雞肉地雖鮮嫩但係冇乜味, 話明去骨但係仲有骨… 油飯過於乾硬應該都灘凍咗好耐, 唔新鮮. 應該就係午餐用剩嘅飯想賣埋去, 好彩呢個飯只係$23包飲品, 快餐價錢都食到d特別野~凍檸茶正常咁啦, 檸檬味夠亦都唔係用唔新鮮嘅去做. 甜度都夠晒.::: 咖哩雞扒飯 + 凍奶茶 ::: $23份量同海南雞飯相約, 但感覺就求咗d~ 有一塊都幾甩皮甩骨嘅炸雞扒同埋半兜好似人地食剩兩舊薯仔嘅咖哩汁比我. 雞扒肉味就欠奉架喇~ 但如果佢係由lunch time擺到而家嘅話, 其實都唔算太乾, 個皮仲有少少脆添. 兜咖哩汁雖然核核突突, 但又估佢唔到濃杰適

又係淘大打保齡球, 今次打波之前搵地方食野, 見到間食店唔係好多人, 睇真D, 原來係專食海南雞飯的店舖再睇下個水牌, 其實仲有其他野, 但係主打海南雞, 緊食雞在先啦點了一個海南雞飯, 拿單後, 到水吧取食物, 之後搵位坐, 全自助式經營.一碗湯, 一碟雞, 同埋一碗飯, 跟三種醬湯, 好明顯味精湯, 因為飲完唔口渴雞. 都好滑, 同嫩口, 味道鮮甜飯, 唔係白飯, 係雞飯, 三樣東西中, 我最鍾意係碗飯, 好好食.價錢, 質素和份量, 都不錯呀, 其實價錢都好合理但係主打買雞飯, 其實有少少悶. 所以唔係店內唔係有常滿的原因啦

最近偶然經過淘大, 發現開了間"栢檔"海南雞飯店, 記得在OPENRICE見過它的大名, 於是決定去試下.正值假日, 下午一時多時, 但店內客人不多, 只有半滿, 所以不用等位. 這間裝修格局像快餐店的海南雞飯店, 由找坐位到拿食物都是"全自助"; 店內雖然有好幾個員工, 但都是目無表情, 只顧聚在一起談天, 只有一個負責清潔和收拾的女工在工作. 店內的食物選擇種類很少, 雖然有供應海南雞飯和咖哩類食物, 但眼見每枱的食客都是吃海南雞飯時, 便打消點其他食物的想法. 點了大的海南雞飯, 賣相看起來還可以. 先說油飯, 跟一般吃到的不同, 飯粒應該是炒過的, 還加入乾蔥粒, 所以比較香口, 可惜的是飯雖然油性充足, 但卻絲毫沒有雞油的香味, 較為失色.至於海南雞, 雞肉尚算嫩滑, 但雞味較淡; 雞皮爽滑, 不太肥, 但卻沒有味道, 大概是冰鮮雞吧! 相當調味方面要再下點功夫.店子採用了泰式的食法- 提供不止薑蓉, 而是三色醬料: 薑蔥蓉, 酸辣醬, 黑醬油. 三種之中以酸辣醬最合口胃, 因為其微酸辣味, 補足了沒有味的海南雞; 薑蓉的咸度適中, 但也提升不了雞肉的味道; 黑醬油偏甜,

Reasons:1, 價錢公道 ($38+)2, 衛生3, 比在海南島的海南雞飯好食 (剛在復活節假期去海南島)4, 僱主有企業責任 (有將強積金証明書放在明顯當眼處旁，附合積金局的指引，少見！)SUPPORT!

昨日同家姐行淘大, 行吓家私店、買吓衫、揀吓袋, 很快就到食晚飯時間了!淘大裡的食店很多, 可說你想食乜就有乜, 七時許, 很多食店已滿坐, 有些還在店外排長龍呢!見到栢檔有海南雞飯, 還強調是去骨的, 實在吸引, 我們便入內試試, 非常好彩, 剛剛有一張吉檯, 不用等位立即可以就坐。我要了一個無骨的海南雞飯(大)$38飯(大) --- 飯的確算大碗, 炒過的飯我覺得略為肥膩 ,但算好味, 不用太多餸也可以把整碗飯吃掉。無骨雞 --- 雞肉頗嫩滑,只有雞翼部份有骨, 其餘部位是無骨的, 但隻雞可能好細, 不吃皮的我, 去皮後雞肉實在唔見食。醬料有三款 --- 薑蔥蓉的味道適中, 不會太咸, 亦不算太油。 甜酸醬很好味, 酸酸甜甜, 不錯。而黑色的醬油,我沒有食!不含味精的住家湯 --- 我所看見的湯料是青紅蘿蔔和南瓜,南瓜煲至爛, 湯味很濃, 但很咸, 如果落少點鹽, 我相信會更健康更好味道。吃了這個晚餐, 的確晚上沒有覺得口渴, 所以我相信是真的無落味精的, 因為很多時在快餐店吃飯, 飯後也口渴難止的, 這一點這裡實在值得一讚, 但希望下次來時, 鹽份也可以減少, 那就更好了。