Video
Read full review
2019-06-13
2263 views
趁阿女考完試，一家人出嚟happy下，今日嚟咗MegaBox嘅呢間熊小館親子餐廳。成間舖都有好多大大小小的熊bear bear,周圍都係打卡位，仲有一個專比小朋友玩嘅play area,裏面有煮飯仔、大量圖書、車車玩具等，而作為一間親子餐廳， BB櫈、兒童餐具和兒童餐等當然唔少得，好想讚一讚佢個碗，個底有條防滑膠，唔會咁容易俾小朋友推跌。每張枱仲有一隻小啤啤陪小朋友食飯，而老闆都好親民，同我啲小朋友玩得好開心。仲有值得一讚就係，部份位置可以望到樓下溜冰場，信信和心心都睇得好開心。我哋四個人叫咗一個二人餐，另外散叫加咗幾樣野。今日嘅餐湯係羅宋湯，有少少辣，小朋友未必啱食，附送蒜蓉包一片。跟餐嘅前菜，我哋揀咗法式蛋黃醬焗鮮蘆筍，鮮蘆筍好鮮嫩，面頭有啲好似蒸蛋咁樣嘅醬，健康好味。另外我就加咗「尼哥斯吞拿魚沙律伴溫泉蛋」（ $68 ），除咗沙律菜，仲有三色椒、車厘茄、熟吞拿魚碎，同埋一隻溫泉蛋開半，附送一隻酸酸甜甜嘅醬汁，清新開胃。另外仲有法式香草牛油焗田螺（ $50 ），有好多嘅薯蓉墊底，面頭有大概六隻田螺，腍身又帶着香濃嘅牛油味，薯蓉都入味。主菜方面，跟餐揀咗個「燒美國穀飼厚切小牛扒伴醋漬
趁阿女考完試，一家人出嚟happy下，今日嚟咗MegaBox嘅呢間熊小館親子餐廳。成間舖都有好多大大小小的熊bear bear,周圍都係打卡位，仲有一個專比小朋友玩嘅play area,裏面有煮飯仔、大量圖書、車車玩具等，而作為一間親子餐廳， BB櫈、兒童餐具和兒童餐等當然唔少得，好想讚一讚佢個碗，個底有條防滑膠，唔會咁容易俾小朋友推跌。每張枱仲有一隻小啤啤陪小朋友食飯，而老闆都好親民，同我啲小朋友玩得好開心。仲有值得一讚就係，部份位置可以望到樓下溜冰場，信信和心心都睇得好開心。
我哋四個人叫咗一個二人餐，另外散叫加咗幾樣野。今日嘅餐湯係羅宋湯，有少少辣，小朋友未必啱食，附送蒜蓉包一片。
餐湯及蒜蓉包
7 views
0 likes
0 comments
法式蛋黃醬焗鮮蘆筍
14 views
0 likes
0 comments
另外我就加咗「尼哥斯吞拿魚沙律伴溫泉蛋」（ $68 ），除咗沙律菜，仲有三色椒、車厘茄、熟吞拿魚碎，同埋一隻溫泉蛋開半，附送一隻酸酸甜甜嘅醬汁，清新開胃。
尼哥斯吞拿魚沙律伴溫泉蛋
$68
10 views
0 likes
0 comments
另外仲有法式香草牛油焗田螺（ $50 ），有好多嘅薯蓉墊底，面頭有大概六隻田螺，腍身又帶着香濃嘅牛油味，薯蓉都入味。
法式香草牛油焗田螺
$50
13 views
0 likes
0 comments
主菜方面，跟餐揀咗個「燒美國穀飼厚切小牛扒伴醋漬野菌」，果然是小牛扒，所以塊牛唔係好大，但肉質都OK，我哋揀咗七成，偏熟左啲，如果五成應該會更juicy。另外配上薯條、三色椒、茄子、煙肉包蘆筍，同埋醋漬野菌，啲菇真係酸咗少少。
燒美國穀飼厚切小牛扒伴醋漬野菌
11 views
1 likes
0 comments
另一個跟餐主菜係芝士焗忌廉菠菜龍利柳飯，好大碟，勁多芝士係面，魚柳都大塊，芝士味香濃。
芝士焗忌廉菠菜龍利柳飯
17 views
0 likes
0 comments
仲有一個散叫嘅軟殼蟹牛肝菌意粉，成隻軟殼蟹送上，炸得唔算油，意粉汁好好味，啲菇都煮得唔錯。
軟殼蟹牛肝菌意粉
6 views
0 likes
0 comments
我哋將二人餐同散叫嘅主菜upgrade，所以有三杯特飲包括熱情玫瑰（玫瑰花茶熱情果）、草子苺苺（士多啤梨橙汁）、橙色派對（芒果橙汁），全部賣相都好靚，味道都唔錯，基本上都係果汁，嗰個熱情玫瑰仲好香玫瑰花味，真係有玫瑰花瓣喺度。
熱情玫瑰（玫瑰花茶熱情果）、草子苺苺（士多啤梨橙汁）、橙色派對（芒果橙汁）
49 views
0 likes
0 comments
跟餐原本有兩個雪糕球，我哋升級左其中一個做生日版心太軟，只加$24 ，寫住Happy birthday之餘，仲會插埋蠟燭俾你，順便同兩位六月之星慶祝生日。心太軟都做得好好味，有芒果和忌廉伴碟。
跟餐甜品雪糕
12 views
0 likes
0 comments
生日版心太軟
19 views
1 likes
0 comments
我見佢餐牌仲寫住生日優惠免切餅費，所以帶小朋友嚟呢度慶祝生日應該都好開心。
能夠有個位比佢地去玩，等我有餐安樂茶飯食，仲要價錢唔貴，真係唔錯，最後兩個小朋友仲玩到唔捨得走呢！
Post
