越男仔 (Moved) New Location

越南菜係香港愈開愈多，第一次食呢間越男仔（個店名好正），第一個感覺係「嘩！舖面好都好細啊」我地坐係類似吧枱嘅地方，好細好逼，唔係好夠位放自己啲袋。第二個感覺係「嘩好多野食！選擇困難症呀！」最後點咗個海膽檬紙卷，個海膽都幾鮮味，完全係成個檬紙卷嘅重點特別係佢配返啲普通蔬菜，所以唔會搶走海膽鮮味。再點個海鮮檬粉，啲海鮮都幾足料，睇圖就知個湯底有淡淡嘅椰香味添 最後有個招牌越男仔無骨海南雞配薑黃飯薑黃飯好香，雞好滑，但食後始終覺得都係傳統配返雞油飯最正間餐廳地方淺窄，適合同三兩個朋友，又易搵位坐又可以點多啲菜式