鮨政

Open Now

Now Closed

放左工諗緊搵咩食好，行到去上環蘇杭街105號見到有間叫《鮨政》的日式餐廳。餐廳主打日本壽司，炸物小食，燒物等等，一於去試吓！先嚟個前菜🐙八爪魚🍅蕃茄🥗沙律，墨魚Q彈，配以蕃茄，沙律菜和海苔一齊食，好有口感，再淋上沙律醋，酸酸地好清爽開胃。又叫左3款壽司🍣，吞拿魚壽司，墨魚壽司，三文魚腩壽司。墨魚壽司🍣雪白的墨魚煙煙靭韌，又鮮甜，好好味！三文魚腩壽司🍣三文魚腩顏色非常鮮艷，油脂豐富，好新鮮！食落口，三文魚油的香味係口度散發出黎！叫左個燒物，🐟銀鱈魚西京燒，銀鱈魚🐟肉質清爽，外層燒到焦香，好香，好好味！最後黎個暖笠笠的🍶清酒煮蜆，蜆用清酒煮過更加鮮甜，每隻蜆的肉都飽滿又冇沙，好好味😋。