Video
Read full review
2024-11-06
0 views
呢間人氣網紅辣蟹店，响2023大衆點評上咗必食榜，加埋朋友嘅推介，當然要去試下喇😋。雖然係响一樓，但都有專𨋢到達，入到門口已經見到好多明星嘅合照，果然係網紅店✨️。朋友推薦我哋一定要叫半價特色炒蟹小菜餐牌，非常抵食，而且仲有好多招牌菜，包括有炒辣蟹添😝。🥢避風塘炒蟹 $688 半價後$344除咗避風塘炒蟹嘅煮法之外，仲有黃金流沙、椒麻香辣、鵝肝醬及黑白胡椒，肉蟹每隻大約一斤二兩；大大盤一上枱非常震撼，打卡度高，仲聞到好香嘅避風塘香味，大大隻又紮實嘅蟹鉗，鮮甜爽口又多汁，連蟹腳肉都非常充實，蟹味十足，至於蟹身肉亦相當柔軟嫩滑，配合炒得勁惹味嘅避風塘配料，正👍。🥢椒麻牛肋條 $288 半價後$144外面有上咗少少粉，非常香脆，而裏面就軟腍juicy，帶少少筋位嘅部份就口感軟糯，牛味濃郁，份量都唔少，半價好抵食👍。🥢酸菜魚 (大班魚) $288 半價後$144魚肉大片又厚身，無骨啖啖肉，口感爽彈又新鮮，配菜當然有酸菜喇，另外仲有蓮藕、萵筍、雲耳 、酸菜、芫茜、香芹、紅椒及泡椒；我哋叫咗少辣，味道酸辣剛好😝。🥢撈汁秋葵$48秋葵清新爽口，做開胃前菜又得，用嚟解膩亦得😜。🫖茶位$10 🥜花生$18
雖然係响一樓，但都有專𨋢到達，入到門口已經見到好多明星嘅合照，果然係網紅店✨️。
朋友推薦我哋一定要叫半價特色炒蟹小菜餐牌，非常抵食，而且仲有好多招牌菜，包括有炒辣蟹添😝。
🥢避風塘炒蟹 $688 半價後$344
除咗避風塘炒蟹嘅煮法之外，仲有黃金流沙、椒麻香辣、鵝肝醬及黑白胡椒，肉蟹每隻大約一斤二兩；大大盤一上枱非常震撼，打卡度高，仲聞到好香嘅避風塘香味，大大隻又紮實嘅蟹鉗，鮮甜爽口又多汁，連蟹腳肉都非常充實，蟹味十足，至於蟹身肉亦相當柔軟嫩滑，配合炒得勁惹味嘅避風塘配料，正👍。
🥢椒麻牛肋條 $288 半價後$144
外面有上咗少少粉，非常香脆，而裏面就軟腍juicy，帶少少筋位嘅部份就口感軟糯，牛味濃郁，份量都唔少，半價好抵食👍。
🥢酸菜魚 (大班魚) $288 半價後$144
魚肉大片又厚身，無骨啖啖肉，口感爽彈又新鮮，配菜當然有酸菜喇，另外仲有蓮藕、萵筍、雲耳 、酸菜、芫茜、香芹、紅椒及泡椒；我哋叫咗少辣，味道酸辣剛好😝。
🥢撈汁秋葵$48
秋葵清新爽口，做開胃前菜又得，用嚟解膩亦得😜。
🫖茶位$10 🥜花生$18
佢哋嘅半價特色炒蟹小菜餐牌，真係好食又抵食，而且每月仲會更新優惠菜式，睇嚟每個月都起碼要嚟一次喇🤣。
Post
