霸嗎拉麵 (德己立街)

Open Now

Now Closed

呢日咁岩係附近想食宵夜，見到霸嗎拉麵出左一個好吸引既期間限定拉麵，就捉左朋友一齊去食拉麵。拉麵店行正宗日式拉麵店裝修，環境乾淨舒適，店員服務都好有禮貌。原隻炙燒鱿魚墨汁雞白湯拉麵 （期間限定）以墨汁雞白湯作為湯底，麵條呈現深黑色，魷魚size橫跨了整個碗，烤過的原隻鱿魚加上燒汁非常香口，口感煙韌彈牙，湯底與魷魚之間的調味剛剛好，湯底鹹淡適中。非常出色！雞叉燒味玉辛辣雞白湯拉麵朋友叫左無咁常見既雞叉燒，估唔到雞叉燒都可以好出色，雞叉燒十分嫩滑，入口即溶。加上湯底香濃，拉麵做到掛汁。味玉既糖心效果好好，同拉麵一齊食會好有滿足感。辣汁唐揚炸雞拉麵店的炸雞竟然令人驚艷！每件炸雞都大大粒， 即叫即炸，超香口。我食完拉麵再食炸雞已經相隔一段時間，炸雞已稍涼，但炸雞仍然非常脆口，外脆內嫩滑又多肉汁，好驚喜。辣汁偏辣，但同炸雞好夾！照燒餃子餃子配拉麵係必食既配搭，餃子皮薄，正常水準。