拉麵來 (Moved) New Location

喺香港，好多拉麵店都會係簡簡單單嘅裝修 ：細細間店，木枱木凳，通常都係吧枱形式，拉麵師傅會係你面前煮麵，營造到好似日本傳統拉麵嘅格局。不過「拉麵來」就有啲唔同，至少佢嘅餐廳環境係佈局到好似一個昭和年代咁樣，令到好多人可能會首先因為佢嘅餐廳環境而選擇嚟呢度食拉麵😅咁當然我都係其中之一啦。打開Menu，佢係用咗漫畫形式去介紹自己嘅拉麵🤩而且湯底有不同口味，除咗湯麵仲有拌麵，好多樣化！而我就選擇咗”溫泉玉子雞汁拌麵”，佢仲會提供芥辣、醋、同其他醬油，俾你撈落個拌麵度，等你可以創造自己喜歡而且獨特嘅味道！👍🏽新正頭。食個拌麵。撈撈撈。撈到風山水起！😆