Video
Read full review
2017-10-18
319 views
因為我本身唔係一個拉麵控，所以好多時都拒絕男朋友嘅提議，其家佢係好鐘意食拉麵的。是日收工過黎銅鑼灣宜家買少少野，滿足佢嘅拉麵癮，黎到呢間位於加路連山道嘅拉麵Jo，店面唔係好大，有兩張四人枱，其餘嘅都係圍住開放式廚房嘅吧枱，我地身型比較龐大，坐落去都唔會覺得好逼。而個人物品，例如男朋友嘅背包可以放喺座位後方，有幾張椅子平日晚上黎到，都全場爆滿，只係剛好有人埋單，我地先唔洗等位，真好彩，因為剛好係落緊微雨。餐牌供應拉麵、沾麵、叉燒丼、小食。拉麵方面有豚骨、麵豉、辣味豚骨、蒜油豚骨、醬油豚骨、惡魔拉麵（會有辛味免治豬肉同韭菜），而每款拉麵嘅麵款係固定，不能更改，例如豚骨湯底係配幼麵；麵豉湯底係配粗麵。麵嘅軟硬都係固定，但蔥可以自選，定價$82-92，而家大部分好少少嘅拉麵店都係差唔多價位。沾麵有四款，分冷/熱，湯底不設加熱，定價$88-109。小食方面有餃子、炒野菜、炸八爪魚球、炸雞、牛舌等。碰巧做緊「免費可樂優惠」，週一至週四惠顧滿$90會送可樂一樽。因為呢度設最低消費每人$80，基本上點一個麵已經達標，明送可樂呢我地一人點一個麵，男友話餓，點多個細叉燒丼，再點一份餃子，人均百三蚊，我見大
餐牌供應拉麵、沾麵、叉燒丼、小食。拉麵方面有豚骨、麵豉、辣味豚骨、蒜油豚骨、醬油豚骨、惡魔拉麵（會有辛味免治豬肉同韭菜），而每款拉麵嘅麵款係固定，不能更改，例如豚骨湯底係配幼麵；麵豉湯底係配粗麵。麵嘅軟硬都係固定，但蔥可以自選，定價$82-92，而家大部分好少少嘅拉麵店都係差唔多價位。沾麵有四款，分冷/熱，湯底不設加熱，定價$88-109。小食方面有餃子、炒野菜、炸八爪魚球、炸雞、牛舌等。
碰巧做緊「免費可樂優惠」，週一至週四惠顧滿$90會送可樂一樽。因為呢度設最低消費每人$80，基本上點一個麵已經達標，明送可樂呢
我地一人點一個麵，男友話餓，點多個細叉燒丼，再點一份餃子，人均百三蚊，我見大家都約莫係食咁多野，因為見旁邊情侶張單都差唔多錢，喺銅鑼灣區嘅拉麵店而言，都係差唔多，呢度就冇收加一
辣味豚骨拉麵 $85（日本半熟蛋+$15）
呢款拉麵係配幼麵、叉燒兩片、竹筍、木耳、青蔥、京蔥、自家製辣醬，因為我唔食蔥，所以去掉。而拉麵本身係唔跟半熟蛋，所以我地都加錢要左一隻，唔食粒蛋好似硬係爭少少野咁。
接過拉麵，第一下感覺到嘅係，湯頭非常熱，我對拉麵嘅要求唔高，認識亦都好皮毛，純粹個人喜好。湯底較熱已經滿意，聞到淡淡豬骨香味，質地唔會太稠身，飲落亦唔會過鹹，加入芝麻，亦都提起香氣
辣味豚骨拉麵
$85
19 views
0 likes
0 comments
其次係睇會唔會油淋淋，因為我比較專一，去唔同拉麵店，都只會點辛辣嘅口味。一啲比較下價嘅拉麵店會加大量辣油，做到湯底紅彤彤，但往往有層油喺面，令我完全唔想飲下去。呢碗明顯都冇呢個情況，用上自家製嘅辣醬，輕輕點喺麵上。搞勻之後亦都唔會產生一層油，辣度有點不足，如果食得辣嘅可能會覺得冇料到，可以加$10要自家製辣醬。
配上係幼麵，麵質屬於硬而爽身，掛湯力不俗，相對粗麵，我係比較喜歡幼的，自然食得滿意
叉燒嘅質素都唔錯，唔會太薄薄一片，肥瘦相隔，入口有點溶化嘅感覺，唔會太肥膩，都係我喜歡的。筍片幼身，口感爽脆冇渣。
唯獨半熟蛋有點失色，男朋友嘅比較靚，我嘅夾開一半後，其中一半係幾乎見唔到蛋黃
蒜油豚骨拉麵 $85（日本半熟蛋+$15）
睇到男朋友食得滋味，而且快速食完，除左因為肚餓外，相信麵都令佢滿意。
蒜油豚骨湯底散發陣陣蒜香，湯底比起我嘅較為深色，配料有幼麵、千葉縣產醬油、叉燒兩片、菠菜、京蔥、乾筍。
唔知係咪冇菠菜，換上椰菜，男朋友就唔太鐘意如此生嘅椰菜，浸熟佢又唔係，生食又唔係。
其他不論係湯頭、麵質，佢都好喜歡。而佢追加嘅半熟蛋都比我嘅出色，流心度高，滑溜美味
蒜油豚骨拉麵
$85
16 views
0 likes
0 comments
日本半熟蛋
$15
11 views
0 likes
0 comments
自家製餃子 $28/3隻
食得落嘅話其實點5隻，$42會抵啲，不過我地夠哂，純粹過下口癮。
餃子底部煎至微濃，少少脆口，餃皮都薄，不過冇乜特別，同一段日式餃差不多。
自家製餃子
$28
15 views
0 likes
0 comments
細叉燒飯 $40
size就類似台式餐廳嘅滷肉飯咁，其實如果食左個麵，再食埋個飯，真係好夠飽。叉燒嘅份量都幾多，切成一粒粒，大小適中，剛好一半肥一半瘦，口感更好，唔會乾柴，亦都唔會太肥膩不過呢碗飯就冇咩汁，齋食可能會dry啲。
細叉燒飯
$40
13 views
0 likes
0 comments
汽水
餐牌：
Post
