棋子燒鵝 (加拿分道)

Open Now

Now Closed

一向都好鍾意食燒鵝，早排試過棋子燒鵝之後，真係食過返尋味，今日經過尖沙咀加拿芬道見到有一間分店就嚟回味下先。 呢間分店都幾大，空間感十足，坐得好舒服。 我同老公揀咗個二人套餐$248，都算抵食嘅，有燒鵝例牌、單拼燒味、郊外油菜， 配白飯／瀨粉／米粉／河粉兩碗， 另外可以揀老火靚湯或者冷熱飲品。 落單無耐，職員已經好快上晒啲食物，效率超高。 老火靚湯係花生眉豆煲雞腳，非常足料入味，而且飲落無咩味精，真材實料。 棋子燒鵝例牌：呢度嘅燒鵝賣點就係煙燻，並非中央醃製，而係到店舖即場用爐燒，非常新鮮。燒鵝皮脆肉嫩，味濃油香，色澤亮麗。 單拼燒味例牌：揀咗叉燒，呢度嘅叉燒似係一片天，含肉量都較少，一片肥膏，喺舌尖溶化嘅感覺。 郊外油菜：跟餐仲有碟油菜。 如果大家想外賣，介紹個優惠俾大家，宜家凡購買燒鵝半隻，仲可以以換購價10蚊換雞半隻，好抵食。