方榮記沙嗲牛肉專家

Open Now

Now Closed

是咁的，上個星期6 我老公個邊提早拜山，見還掂都出左黎九龍，不如夜晚去食老字號- 方榮記啦，奶奶話佢後生時食過幾好食，想再重溫一下，我地就一行7個人去到九龍城。為咗唔想老人家企喺度等，我5:30就打去book位，好好彩6:30有一張大枱。去到唔使等位，叫左2個湯底，一個係方魚清湯，另一個係沙嗲，我哋嗌咗星級牛肉，本地手切牛肉，但黎到望到個樣唔太吸引，星級牛肉多d 雪花，食落口無咁靭，而手切牛肉太難咬啦，我咬左好耐都唔太吞到。有d 失望。炸魚皮好脆，味道幾好，魚皮餃配沙嗲湯底好好食，推介！而墨魚丸有墨魚軟骨喺入邊，整體上口感都唔錯。貢丸就正常啦。我仲嗌咗打邊爐我最愛嘅魚湯，即係與浮吓浮吓嗰舊嘢，仲有我最愛嘅牛腸！兩樣嘢配左沙嗲湯底都好食。而全晚最好食嘅，就係大江面！大江面朔晒啲沙嗲湯汁，非常入味，口感好好！我地嗌左2份，後來因為太好食再嗌多份。一行7個人，食左千6蚊鬆d, 差不多啦，但都係對嗰兩碟牛肉有啲失望。