Video
Read full review
2023-09-03
1178 views
Blacksheep 旗下新餐廳，主打意大利拿玻里 pizza & pasta，喺香港好少食到好食嘅Pizza 同 Al dente 既pasta，所以我哋抱着期待嘅心態嚟到IFC 試吓呢間新餐廳裝修絕對唔會令人失望，無論華麗嘅裝修、背景音樂、都恍如置身意大利拿玻里，搞到我都好想飛去意大利😝由於餐廳不設訂位，所以開門之前已經過嚟排隊，準時12點入座，每枱只可以食一個鐘今次試咗：Polpette - pork meatball 去到每一間意大利餐廳都一定要試吓佢哋嘅meatball ，呢間真係唔錯，完全食唔出內臟或者肥豬肉，亦冇豬騷味。蕃茄醬做得好好，食得出放咗好多香料Spaghetti alla Nerano以 zucchini 為主既pasta，食落亦冇青味，適合小朋友，仔仔超鍾意Penne Al Ragu do Maiale 豬肉同蕃茄製成嘅意大利醬汁，配以長通粉，有少少辣，都幾特別Rigatoni alla Genovese牛肉，洋蔥加芝士配長通粉，芝士重手得滯，食落有少少漏、同埋少少鹹，但係個通粉好好食，非常之 al denteColatura pizza終於嚟到餐廳主打嘅Pi
裝修絕對唔會令人失望，無論華麗嘅裝修、背景音樂、都恍如置身意大利拿玻里，搞到我都好想飛去意大利😝
由於餐廳不設訂位，所以開門之前已經過嚟排隊，準時12點入座，每枱只可以食一個鐘
今次試咗：
Polpette - pork meatball
去到每一間意大利餐廳都一定要試吓佢哋嘅meatball ，呢間真係唔錯，完全食唔出內臟或者肥豬肉，亦冇豬騷味。蕃茄醬做得好好，食得出放咗好多香料
Spaghetti alla Nerano
以 zucchini 為主既pasta，食落亦冇青味，適合小朋友，仔仔超鍾意
Penne Al Ragu do Maiale
豬肉同蕃茄製成嘅意大利醬汁，配以長通粉，有少少辣，都幾特別
Rigatoni alla Genovese
牛肉，洋蔥加芝士配長通粉，芝士重手得滯，食落有少少漏、同埋少少鹹，但係個通粉好好食，非常之 al dente
Colatura pizza
終於嚟到餐廳主打嘅Pizza，材料係蕃茄、提魚同芝士，係一個白汁pizza，有驚喜，真係有拿玻里pizza嘅感覺
總括嚟講呢個價位，仲要係IFC，裝修又靚，食物有返咁上下質素，算係唔錯👍🏼可以再去
Post
