姚姚酸菜魚 (青衣城1)

Open Now

Now Closed

今日入開青衣探朋友，朋友建議喺青衣城附近先食午餐，最後揀咗呢間酸菜魚專門店。入到去地方都算大，大部份都係梳化坐位。打開餐牌，原來除咗酸菜魚之外，仲有好多其他選擇。香菌雞煲 （半隻） $198見呢樣做緊推介，雞煲搭香菌，即管一試。雞身大件嫩滑，配上好香濃嘅醬汁味，亦有唔同種類嘅菇菌，連埋配菜筍及香芹一齊炒，香濃惹味。姚姚蕃茄魚 （午餐）$138甜甜酸酸嘅蕃茄魚，朋友話鍾意食。午餐包埋是日涼菜、時蔬、白飯及手打檸檬茶，蕃茄魚大大鍋，亦有蠟燭喺底保持熱度。北京烤鴨（半隻）$94半隻烤鴨份量唔少，鴨皮酥脆，肉食落亦夠彈牙無羶味，除咗平時嘅烤鴨燒醬之外，較特別的是同時配上白糖比你，連埋蔥京絲、青瓜及蘿蔔一齊食，午餐食片皮鴨是開心的。另外，剩返嘅鴨架會用麻辣油撈埋作冷盤，一鴨兩吃。姚姚脆奶 $58外脆內軟，奶味滿滿，為呢餐完美作結。