姚姚酸菜魚 (青衣城1)

Open Now

Now Closed

今次我地過左黎青衣城呢邊食飯，諗住係度食個飯先再入迪士尼玩，事關其實迪士尼都唔洗玩足全日，食完飯係青衣城行下都仲得，我地就揀左呢間食酸菜魚既餐廳食啦🐟呢間餐廳環境都幾闊，我地帶埋bb黎，餐廳都有bb凳提供，枱面有熱茶比客人自己加，食辣野都好易口渴，自己枱有成壺茶我覺得幾好👍🏻姚姚酸菜魚拼水煮魚（$308）呢間餐廳可以揀雙拼魚，仲可以自選調味，我地揀左少油少辣，好少酸菜魚有得咁樣，所以呢度既酸菜魚湯可以放心狂飲都唔怕油，而且佢少油少辣仍然保持到個味道，水煮魚方面雖然少油，不過辣油都係偏油，唔建議飲個辣湯，整體都好味，魚肉都夠滑😋片皮鴨半隻（$94）呢個片皮鴨做緊優惠，半價就食到，$100都唔洗仲有2食，除左本身既片皮鴨，仲有個涼拌小食麻辣既鴨骨，勁抵食，佢個片皮鴨質素都唔錯，熱辣辣，皮脆肉嫩，配料都好足，唔洗怕唔夠皮同蔥等等👏🏻呢間川菜又適合2個人食，多人食就更加冇問題，佢好在酸菜魚可以揀雙拼，又可以揀少油等等，份量適合又可以試多款口味，仲有個特價片皮鴨真係好抵食，平得黎仲要質素唔差✌🏻

呢日嚟咗呢間喺青衣商場裏邊嘅餐廳食晚餐🤣「原價$288 試食價 $238 姚姚酸菜魚 雞煲二食套餐 一食菌香雞煲 二食打邊爐」🤣首先食「雜菌雞煲」：「雞煲」大大煲加咗好多野菌、竹筍、蒜頭、香蔥、紅椒、青椒等🤩；鷄件肉質幾軟熟兼味道濃郁🤩跟住「雞煲二食：雞煲打邊爐」：食材有「炸雞皮、雞腎、雞片、雞柳、蔬菜一份」，炸雞皮幾香口，雞片有少少咬頭，雞柳幾滑，雞腎幾爽口🤣蔬菜有「娃娃菜、蓮藕片、金菇菜、萵筍片等」：全部都幾新鮮爽口🤣$58「鱸魚片」：夠滑又好魚味🤣$58「上湯菜心」：菜心新鮮，上湯煮簡單幾好食🤩「姚姚留港消賈策略 - 北京烤鴨 - 原價 $188 半價 $94」：北京烤鴨有鴨皮有鴨肉，用薄薄嘅麵粉皮包住 再加埋青瓜條 大蔥絲 甜醬 等一齊食，幾好味😋，重點係價錢非常大眾化🤣

天氣涼涼地, 嚟到青衣城吃個午飯, 餐廳地方好開揚, 用餐環境清潔舒適。多款午市套餐, 雞煲、火鍋和粉麵飯都有。套餐包括是日涼菜、頭抽時蔬和手打檸檬茶。招牌鱸魚片手打麵揀咗大骨湯底, 奶白鮮味, 有蔥粒、辣椒和酸菜, 清香開胃。鱸魚片鮮甜嫩滑, 份量都幾多, 手打麵爽滑彈牙。蕃茄牛肉麵蕃茄湯底鮮甜酸香, 牛肉肉厚幼滑, 還有爽脆大豆芽菜, 配合麵條, 吃起來更有質感。酸辣土豆絲口感爽脆, 酸酸辣辣好醒胃。雞煲二食套餐幾有特色, 食完雞煲打邊爐。先吃雜菌雞煲雞件份量好多, 肉質嫩滑, 加上雜菌香氣, 醬汁好入味。雞煲打邊爐有炸雞皮、雞片、雞雜和雞塊, 還有蔬菜拼盤一份, 炸雞皮淥完湯仍很香脆, 雞片和雞塊嫩滑, 雞雜口感甘香。

在青衣城尋覓晚飯餐廳時，被這間Tiffany藍色調的姚姚酸菜魚吸引著。朋友之前推介過姚姚，說餐廳的菜式非常高性價比，特別推介其雞煲兩食和片皮鴨。我看看餐牌，見到這個價錢實在無辦法拒絕吧。⊖ 1. 雞煲二食套餐雞煲二食的份量絕對比想像中多得很。一來就是經典的麻辣雞煲，雞肉滑嫩不柴，辣度恰到好處，不會嗆口。店員溫馨提示，差不多食完雞肉之後就會過來加湯，進行第二食。店員遞上第二波的食材，有炸雞皮、雞片、雞雜等配料，份量多得非常誇張。原來炸雞皮打邊爐非常不錯，酥脆不膩，吸附湯汁後更添層次。另外，亦再搭配新鮮時蔬，完美平衡雞煲和火鍋的香濃味道。雞煲二食的雙重享受，絕對物超所值，必點之選。⊖ 2. 片皮鴨另外，片皮鴨又是另一份必點之選。價錢超值不用講，味道亦都相當有質素。鴨皮非常酥脆，肉質亦都細嫩多汁，而且配料亦做得十足，配上麼麼皮、青瓜絲、蔥段和特調甜醬，非常滿足。（補充：姚姚還會附上鴨架，用來作小食一流，誠意十足。）⊖ 3. 炒大盆花菜花菜以大火快炒，邊緣微焦帶出鑊氣，搭配辣椒與蒜片的辛香，口感爽脆。姚姚亦加上半肥瘦豬肉片在內，辣度適中，爽口感十足。性價比爆燈的餐廳，真的不用專程北上消費了。

Worst restaurant I have been to in a while.Their menu looked ok on pictures but what we got was the lowest quality version of those dishes.The Peking duck was swimming in oil.The spicy duck bone appetizer is something I wouldn’t serve to my own dog.The fish was acceptable although quantity isn’t big.The shrimp came with fries (got to really zoom in on the menu to see them!!), it was more a fries with shrimp dish than a shrimp dish…To recap: Over 250 HKD per head to get Bad quality and Small quan

今天難得來到青衣城，午飯時間突然想吃片皮鴨，而朋友則想試試川菜，正好找到這間能同時滿足兩者需求的餐廳。$94片皮鴨套餐片皮鴨通常需要多人分享才能點來吃，但這間餐廳貼心地提供一人份的片皮鴨套餐，讓獨食也能享受這道經典美味。鴨皮燒得金黃酥脆，入口即化，鴨肉則鮮嫩多汁，搭配薄餅、青瓜絲和甜麵醬，每一口都讓人滿足。姚姚酸菜魚作為餐廳的招牌菜，這道酸菜魚絕對值得一試。這間餐廳的酸菜魚辣度適中，花椒的香氣點到即止，不會讓人覺得過於刺激。魚片厚切且非常嫩滑，完全沒有腥味。湯底鮮美，酸菜的酸度與鹹度平衡得剛剛好，非常開胃。搭配白飯一起吃，簡直是絕配！酸菜本身也非常爽脆，為整道菜增添了豐富的口感層次。片皮鴨套餐讓一個人也能享受經典美味，而酸菜魚則展現了川菜的細膩與風味。無論是片皮鴨的酥脆還是酸菜魚的鮮美，每一道菜都讓人回味無窮。博主親食價: 人均$2xx

姚姚酸菜魚位於青衣城的分店地方闊落舒適, 裝修清雅, 主打酸菜魚和川味小菜, 更有多款特色套餐以供選擇。姚姚酸菜魚拼金湯跳蛙、肚絲一道菜有兩種風味酸菜魚魚片嫩滑鮮味, 酸菜爽脆有嚼勁, 酸度適中好開胃。金湯跳蛙肉質爽脆, 口感嫩滑, 湯底鮮甜微辣, 肚絲軟熟腍滑, 加上翠綠萵筍, 鮮甜爽脆, 集多層次於一鍋。午餐超值選有很多選擇, 主食配是日涼菜、頭抽時蔬和餐飲。番茄牛肉麵番茄湯底濃郁鮮甜, 牛肉好嫩滑, 麵條腍滑彈牙, 配以清甜番茄和爽口大豆芽, 鮮味可口。臘味炒飯飯粒混合臘味粒粒, 炒得幾香口, 肉香軟糯, 口感不肥膩。加配藤椒無骨鳳爪, 爽脆鳳爪泛著淡淡藤椒香氣, 口感清新。配以檸檬茶餐飲, 解膩清爽。

好有特色既餐廳🌟 無論你係鍾意重口味定輕食 都可以喺呢度搵到合心意嘅美食 🍽️✨==============================𝐅𝐨𝐨𝐝 𝐋𝐢𝐬𝐭📌姚姚酸菜魚拼金湯跳蛙肚絲 呢碟酸菜魚真係好正 🐟🔥 鮮嫩嘅魚片配埋酸酸嘅酸菜 🍋 湯底金黃濃郁 🍲 味道非常入味 再加上跳蛙肚絲 🐸 口感特別有嚼勁 每一口都好滿足 😋熗炒手撕包菜 呢個手撕包菜炒得好香 🥬✨ 手撕嘅包菜保持咗新鮮感 口感脆口 🥗 加上調味後真係一流 隨便一口就停唔到 😍低糖紫米豆漿 如果你想飲健康啲 呢杯低糖紫米豆漿就啱你 🥤💚 紫米同黃豆嘅搭配 味道香滑 🍠 唔會太甜 飲完令人心情好好 ☀️低糖黑豆漿 另一杯低糖飲品 黑豆豆漿真係好有特色 🖤 豆香濃郁 低糖設計 飲完唔會覺得有負擔 👍 好適合想減肥嘅朋友 💪傳統擔擔拌麵 呢碟擔擔麵係經典之選 🍜🌶 麵條滑順 香辣嘅擔擔醬好入味 食落真係好過癮 😍 簡直係停唔到口 🤤

同朋友一齊嚟咗呢間喺青衣城嘅酸菜魚餐廳諗住食個酸菜魚 early dinner 🤣$398「姚姚雞抱魚套餐 YAO YAO Fish and Chick」，包咗「姚姚酸菜魚（二人份）+菌香雞煲（半隻）+是日涼菜」🤩「姚姚酸菜魚（二人份）」：可以揀「辣度：少辣；做法：減酸、加麻、少油、少鹽」，有得咁樣揀真係幾好🤣；酸菜魚好大一鍋，下底放有一個小火爐🔥咁由頭食到尾都夠熱，飲啖湯先湯底味道濃郁😋；魚肉就白雪雪，肉質鮮美嫩滑👍；咁當然仲有好多酸菜可以食🤣「菌香雞煲（半隻）」：「雞煲」大大煲加咗大量野菌、香蔥、竹筍、紅椒、青椒、蒜頭 等🤩；有好多件鷄件，鷄件基本肉質軟熟，味道都係濃郁🤩「是日涼菜」：係細細兜嘅「雞絲粉皮」🤣跟「姚姚雞抱魚套餐」加咗個特飲係 $8嘅「無糖可樂」，凍冰冰嘅「可口可樂」配味道濃郁嘅食物就梗係好爽啦🤣$58「上湯菜心」：菜心新鮮，上湯煮簡單幾好食🤩

好耐無食酸菜魚，今日同友人lunch食左二人份酸菜魚，仲有小吃同甜品。餐廳都開左一排，而家我地先來食，環境大坐得舒服，以湖水藍同白色裝潢，又靚又溫馨。姚姚酸菜魚 （二人份）$288好大盤好有氣勢，用熱盤座熱，可以慢慢食，唔會魚變凍，而且辣度可揀微辣，最岩我呢d想食辣，但又食唔到太辣嘅人。個湯好正，濃而不膩，酸中帶微辣，刺激又開胃，魚肉份量多，性價比高。魚肉嫩滑好味，最重要唔腥，個湯一定要拌飯食，超正。都幾多酸菜，好爽脆夠酸，味道很好。紅糖糯糍粑 $68食到辣辣地，叫左個香甜軟糯嘅小吃，紅糖甜思思，加埋軟糯的糍粑，飽肚但好好味，特別厚切大件，口感很好，外層炸得香脆。彩虹烏龍冰粉 $68賣相好靚好吸引，配料滿滿，有提子乾、酒釀、紅豆、丸子、花生碎、芝麻……口感豐富，加埋椰奶好香好滑，令冰粉唔會太甜，滑溜的冰粉好清涼解膩，食完又熱又辣嘅酸菜魚，最岩食冰粉降降溫。

.最近朋友話突然想食酸菜魚，同佢一齊去咗試「姚姚酸菜魚」，呢間店位於青衣城，環境靚靚哋，用咗Tiffany Blue做主調設計，卡位梳化舒服又放鬆✨⭐️ 必點推介：姚姚酸菜魚二人份量兩人份酸菜魚真係足料又抵食！用新鮮鱸魚起肉，大大塊魚肉冇骨，嫩滑到爆，小朋友都啱食！酸菜經浸泡後，味道酸得嚟不會過火，夠開胃又襯魚湯，整體好平衡。魚湯用咗5-6小時熬製，金黃澤色、香氣撲鼻，辣度仲可以自由調整，少辣的話香港人口味啱啱好～而且湯底有少少麻香，真係超級惹味🤩💚 涼拌萵筍絲呢道涼菜好清新解膩！萵筍絲爽脆細嫩，口感輕盈，但味道入味，帶少少酸甜味，非常適合搭配重口味嘅酸菜魚一齊食，感覺剛剛好👍🏻🍡 姚姚脆奶外層炸得金黃酥脆，內裡係滑溜溜既奶香心，咬開仲會感覺到鮮奶融化喺口中，非常滿足！炸得唔會太油膩，甜度適中，無論飯後定作為小食都啱晒😊總括嚟講，呢度真係集環境、味道、性價比於一身嘅酸菜魚店，朋友聚餐、親子飯局都好啱～下次想食酸菜魚又唔知邊度好，記得試下姚姚酸菜魚啦✅姚姚酸菜魚📍青衣青敬路青衣城地下G01號舖

誰發明的雙拼吃法？酸菜魚+片皮鴨同時滿足，揀呢個套餐真係唔錯以Tiffany Blue色調作為品牌顏色的姚姚酸菜魚，店內裝修小清新風格，座位寬敞舒適💙💙💙我知道很多人都不太能接受太重的酸、辣、鹹、油的口感，呢個酸菜魚的調味剛剛好，對我來說好吃！上桌時看到白嫩的魚肉，魚肉Q彈爽口，更有一種淡淡的辣味，品嘗完魚片後，喝一口濃郁的湯味道好好 北京烤鴨，皮脆肉嫩，搭配春餅皮和京蔥絲青瓜絲蘿蔔絲一起，肥而不膩

Tiffany blue好清新🥰🥰🥰🥰食酸菜魚既地方竟然都有片皮鴨食😍好吸引呀！！！叫左個滋味共享套餐 $438有哂酸菜魚同片皮鴨半隻仲跟麻辣鴨架同是日涼菜酸菜魚除左有得揀辣度酸度同麻度可以揀😚魚肉唔腥又嫰滑片皮鴨仲跟埋好多肉連髀都跟埋😍😍😍😍較特別配料除左青瓜、京蔥仲有紅菜頭，好清新鴨油脂充足，但又唔會油膩要推介‼️‼️‼️‼️麻辣鴨架對於唔太食得辣既我地就有少少辣啦🥵🥵🥵🥵是日涼菜就有涼拌土豆同雞絲粉皮土豆好爽口，但對我地都係偏辣雞粉粉皮好滑，個醬好香略嫌份量較少仲叫多左個臘味炒飯 $98炒飯好足料，有臘腸臘肉個飯炒到粒粒分明

滋味共享套餐 $438是日涼菜 - 土豆絲土豆絲清爽可口，酸味出，無辣，幾開胃🤓但有辣開心啲😚川味鴨架幾辣，好惹味！👍🏻 鴨架肉質緊實，但肉唔多要損骨🙈片皮鴨（半隻）片皮鴨皮脆肉嫩，鴨皮有油酥感，搭配埋蔥、青瓜、醬汁同薄餅，口感一流。雖然得半隻，但係份量都好多，薄餅食極都食唔晒咁，都幾抵食！😍姚姚酸菜魚（二至三人份）（少辣免麻） 好欣賞佢嘅酸菜魚有得揀辣到、麻度，免葱、免蒜等，好有彈性！🤩 仲有個蠟燭仔令佢keep住微温。因為我哋得兩個人，所以冇加其他配料，成個酸菜魚有好多好多嘅魚片，仲有兩個魚頭呀！酸菜魚用新鮮嘅老魚，肉質鮮嫩，冇乜刺，好嫩滑☺️ 雖然走麻，但係湯底都好惹味，魚片嘅鮮香濃郁，好開胃又唔會覺得油膩😚結論🫰食物足料有水準🫰好多套餐揀🫰酸菜魚有得揀辣、酸、麻度😍好味度：8.5/10CP值：8.5/10🎡餐廳資料餐廳名稱：姚姚酸菜魚餐廳地址：青衣青敬路31-33號青衣城1地下G01號舖營業時間：星期一至日11:30-22:00

周六和媽媽到青衣城shopping，再到「姚姚」吃我最愛的酸菜魚。餐廳以Tiffany Blue為主調，多了一份小清新感覺。姚姚酸菜魚(二人份)我點的是二人份量，走辣走麻，送上來時巨大碟，下面就以小火暖著，鮮鱸魚肉大大塊，厚薄適中，肉嫩鮮甜，基本上是零骨刺，口感酸中背爽，佐飯一流。片皮鴨(半隻)店家正進行優惠，$94有半隻片皮鴨，雖說是半隻，但份量挺多，還附送麻辣鴨架，鴨肉嫩滑，肉汁豐富，肥瘦適中，鴨皮香脆甘香，入口即化，油膩豐腴，將鴨肉放在薄餅上，加入青瓜及京葱等及填鴨醬一同享用，非常滋味。低糖紫米豆漿(熱)豆漿濃稠適中，入口帶有一股米香，低糖口味感覺清新。