保家山 (Closed)

觀塘工業區又一大發現～～手工和牛漢堡🍔呢間新開係觀塘駱駝漆大廈嘅漢堡店，主打特色漢堡，我已經第✌🏻次去。餐廳座位擺設好有空間感，令客人感覺舒適悠閑。 餐牌上提供多款手工和牛漢堡🍔，唔食牛嘅可以選擇韓式豬肉漢堡或嫩雞漢堡。 另外仲有多款湯🍲，薯條及小食選擇。“葵”手工和牛漢堡。山葵醬汁 +紫菜薯條+汽水（$98） 餐廳選用澳洲和牛配穀飼安格斯牛😋😋山葵醬配和牛真係好特別🤩，食落唔太辣，有山葵香，更能帶出和牛嘅牛肉香。 和牛肉鮮嫩多汁😋配合醬汁新鮮生菜🥬、洋蔥🧅、蕃茄🍅，味道無得頂薯條都有三款口味揀。紫菜薯條，即叫即炸香脆味濃。“釜”韓式豬肉漢堡。泡菜醬汁+健康沙律+汽水（$98）一見到佢立即流口水🤤 烤得勁香嘅半肥瘦豬肉多到突出嚟，仲有流哂出嚟嘅泡菜醬汁😍 半肥瘦豬肉烤得微焦，泡菜汁香濃有少少辣，上面仲更咗香口嘅韭菜， 成個漢堡都十分惹味。