Video
Read full review
2022-09-07
989 views
《麻痺英 - 大埔》前排Daddy 突然想食雞煲，講左幾日叫我同佢食😂因為早前剛剛開學我個schedule 勁忙🥹都抽唔到時間去食，結果星期一終於有得早放可以約Daddy 食飯😆不過嗰排天氣勁熱，為免去太遠所以我喺屋企附近搵咗間有得食雞煲餐廳😝近到直程係屋企左近既餐廳😎佢呢度係食任食雞煲為主，但都有啲川菜小食嘅😊不過我哋一心係諗住食雞煲，別無異心🥸我哋揀咗香辣海鮮雞煲小辣($198/位)，再叫左兩枝啤酒🍻雖然佢雪櫃既汽水果汁係任飲既但總係覺得食雞煲一定要啤啤佢既😉雞煲即叫即整，上到我哋枱用Gas爐炆熟佢，好香☺️由於我哋得兩個人食，所以餐廳安排咗細煲俾我哋入面嘅海鮮種類都幾多，有魷魚、蠔、青口…仲有十幾件雞件，食完之後仲有可叫店員加湯打邊爐添😍一定食得飽👍🏻魷魚幾彈牙同埋份量好多，我哋每人都食到3、4件，蠔都有兩件，肉質唔會好散，而個雞煲整體都煮得入味，好食😋食曬入面嘅肉之後我哋就加湯打邊爐，其實食完個雞煲之後都開始飽飽地，不過冇理由咁嘥就咁走㗎嘛😝我地叫左三款涼菜送酒，分別係涼拌海蜇、木耳、皮蛋同青瓜，每樣都試啲啲我個人比較喜歡皮蛋同埋手拍青瓜，青瓜應該醃咗好耐入晒味👍🏻既可以送酒又解
前排Daddy 突然想食雞煲，講左幾日叫我同佢食😂因為早前剛剛開學我個schedule 勁忙🥹都抽唔到時間去食，結果星期一終於有得早放可以約Daddy 食飯😆不過嗰排天氣勁熱，為免去太遠所以我喺屋企附近搵咗間有得食雞煲餐廳😝近到直程係屋企左近既餐廳😎
佢呢度係食任食雞煲為主，但都有啲川菜小食嘅😊不過我哋一心係諗住食雞煲，別無異心🥸我哋揀咗香辣海鮮雞煲小辣($198/位)，再叫左兩枝啤酒🍻雖然佢雪櫃既汽水果汁係任飲既
但總係覺得食雞煲一定要啤啤佢既😉雞煲即叫即整，上到我哋枱用Gas爐炆熟佢，好香☺️由於我哋得兩個人食，所以餐廳安排咗細煲俾我哋
入面嘅海鮮種類都幾多，有魷魚、蠔、青口…仲有十幾件雞件，食完之後仲有可叫店員加湯打邊爐添😍
一定食得飽👍🏻魷魚幾彈牙同埋份量好多，我哋每人都食到3、4件，蠔都有兩件，肉質唔會好散，而個雞煲整體都煮得入味，好食😋食曬入面嘅肉之後我哋就加湯打邊爐，其實食完個雞煲之後都開始飽飽地，不過冇理由咁嘥就咁走㗎嘛😝我地叫左三款涼菜送酒，分別係涼拌海蜇、木耳、皮蛋同青瓜，每樣都試啲啲
我個人比較喜歡皮蛋同埋手拍青瓜，青瓜應該醃咗好耐入晒味👍🏻既可以送酒又解膩，皮旦平時出去食川菜都三四十蚊碟，呢度任食我就緊係食夠本啦😂而打邊爐配料我哋揀咗豬頸肉、魚皮、生腸、牛柏葉、豬皮、同埋少量蔬菜🥬
每樣都係叫咗少少唔係太多，其實佢仲有好多唔同嘅配料俾你選擇，個人建議叫多啲肉抵啲😂由於爹哋想試吓佢嘅手切牛頸脊，所以我另外加咗$108要咗個例牌，牛頸脊份量都唔少，食落都幾嫩無筋，如果呢個都有任食就好啦😂
最後我哋兩個都唔算食咗好多嘢，可能天氣太熱嘅關係胃口麻麻🥹回唔到本呀，最後埋單$560，總算完咗爹哋近排想食雞煲嘅心願😓
Post
