Video
Read full review
2023-02-23
1368 views
朋友介紹黎一間叫九鼎百味嘅食店食雞煲，一睇地址見係街市嘅熟食市場，嘩，好少去呢度食得唔得㗎🤔朋友力推佢好食又抵食，咁一於試下先。上到四樓行到最入面就係九鼎啦，唔講真係唔留意到，因為全層都係大排檔feel嘅食店😂好彩有朋友帶路。坐低先送上小食，再睇下餐牌叫咩先，店家話想食就叫，唔係樣樣都有寫落餐牌，只要佢做到就可以點，勁👏🐓重慶雞煲力推雞煲就梗係要叫啦，半邊雞$98咋，抵到爆😋賣相似模似樣，店家話大火滾十分鐘左右，撈混就食得。撈起真係好香，半邊雞份量都好多，雞件大大件夠入味，熱辣辣仲好嫩滑，熟透都唔會鞋口👍叫左少辣我覺得啱啱好，微微嘅辣味正好刺激味蕾，啲雞汁正到要撈飯食。🐟黃金白飯魚作為鹹蛋黃控見到有黃金野叫就梗係要食啦，諗緊要黃金鮮魷好定白飯魚好🤔店家推薦白飯魚，試下先～嘩‼️激香！勁多鹹魚蛋！！因為白飯魚面積較細，所以包到鹹蛋黃嘅地方更多，又香又脆無得彈，實在太好食了，點解可以咁正😍朋友話整多兩盤佢都食得落。🍚白飯餸太正要整返個白飯送下，好滿足。🥤忌廉啤酒做緊買二送一，可惜聽朝要早起開大會，都係乖乖地飲下汽水啦，樽裝汽水特別有feel🤭熟食市場都可以好衛生乾淨，又發現到一個好地方食野👍
上到四樓行到最入面就係九鼎啦，唔講真係唔留意到，因為全層都係大排檔feel嘅食店😂好彩有朋友帶路。
坐低先送上小食，再睇下餐牌叫咩先，店家話想食就叫，唔係樣樣都有寫落餐牌，只要佢做到就可以點，勁👏
🐓重慶雞煲
力推雞煲就梗係要叫啦，半邊雞$98咋，抵到爆😋賣相似模似樣，店家話大火滾十分鐘左右，撈混就食得。
撈起真係好香，半邊雞份量都好多，雞件大大件夠入味，熱辣辣仲好嫩滑，熟透都唔會鞋口👍叫左少辣我覺得啱啱好，微微嘅辣味正好刺激味蕾，啲雞汁正到要撈飯食。
🐟黃金白飯魚
作為鹹蛋黃控見到有黃金野叫就梗係要食啦，諗緊要黃金鮮魷好定白飯魚好🤔店家推薦白飯魚，試下先～
嘩‼️激香！勁多鹹魚蛋！！因為白飯魚面積較細，所以包到鹹蛋黃嘅地方更多，又香又脆無得彈，實在太好食了，點解可以咁正😍朋友話整多兩盤佢都食得落。
🍚白飯
餸太正要整返個白飯送下，好滿足。
🥤忌廉
啤酒做緊買二送一，可惜聽朝要早起開大會，都係乖乖地飲下汽水啦，樽裝汽水特別有feel🤭
熟食市場都可以好衛生乾淨，又發現到一個好地方食野👍
Post
