牛芳百世 (Closed)

咖喱牛腩飯， 男人既浪漫。幾個月前，尖沙咀金馬倫道開左間專食牛腩的餐廳，個名幾攪笑，叫牛芳百世。午餐時間總見到滿座+幾pair人在等， 而且店外貼滿雜誌專楝介紹，令我同同事忍唔住好奇心入去開餐。餐廳內裝修簡單， 接過餐牌後。招牌牛有崩沙腩／爽腩／牛坑腩。（限量供應）剛好今日仲有崩沙腩， 就叫一個咖哩崩沙腩飯。因為除左牛腩， 專欄都有介紹佢地個咖喱。一上檯就聞到好香咖喱味， 係我中意果隻有辣油，好濃咖喱粉味果種。薯仔都拿捏得岩岩好。 唔會一夾就爛但食落去係好淋好粉。牛腩大概5,6舊, 肥瘦適中， 好有牛味， 咬落去仲有肉汁。間唔中浪漫一餐真係好過癮。